25 წლის მცველი ჩრდილოეთ ირლანდიის ნაკრების შეუცვლელ ფიგურად ითვლება დაცვის ცენტრში. იმისდა მიუხედავად, რომ ის ნაკრების ლიდერია, კაპიტნის სამკლაური მას არ უკეთია, ხოლო ეს საქმე ნორმან უაითსაიდს დროის საკითხად მიაჩნია:"ჯონი პროგრესირებს. ვფიქრობ, რომ მესამე საჩემპიონო ტიტულმა მას კიდევ დიდი გამოცდილება შესძინა." - განაცხადა უაითსაიდმა manutd.com-თან.
"მან მიიღო კარგი გამოცდილება, როდესაც არენდით იმყოფებოდა "ანტვერპენში" და "სანდერლენდში". სწორედ ასეთი პრაქტიკა ჭირდებათ ახალგაზრდა ფეხბურთელებს. სწორედ იგივე შემთხვევაა დენი ველბეკთან. ისინი უკეთესები გახდნენ. დარწმუნებული ვარ, რომ სულ მალე ჯონი ნაკრების კაპიტანიგახდება. ის ერთ-ერთ საუკეთესოდ ითვლება თავის გუნდში."
"ჩრდილოეთ ირლანდიის ფეხბურთელები ყოველთვის წარმატებით ასპარეზობდნენ "იუნაიტედში". ჩემი ჩათვლით კლუბში იყვნენ ჯორჯ ბესტი, სემი მაკილროი და ახლა ჯონი ევანსი."