ცოტა ხნის წინ, კრიშტიანუ რონალდუმ თავის ოფიციალურ ფეისბუქის გვერდზე დაწერა, რომ ყველა ინფორმაცია, რომელიც მისსა და "რეალს" შორის ახალი კონტრაქტის გაფორმებას ეხება ტყუილია.
"ყველა ინფორმაცია მადრიდის "რეალთან" კონტრაქტის გახანგრძლივების შესახებ ჭორია." - რონალდო ოფიციალურ ფეისბუქის გვერდზე.
ბრიტანული პრესა აქტიურად წერს რონალდოს "იუნაიტედში" დაბრუნებაზე მიუხედავად იმისა, რომ მადრიდული კლუბის პრეზიდენტმა ფლორენტინო პერესმა რამდენიმე დღის წინ უკვე მეორედ განაცხადა, რომ პორტუგალიელი კლუბთან ახალ ხელშეკრულებას დადებდა.
"ჩემი, კრიშტიანოს და "რეალის" ფანების მიზანი არის ის, რომ მან ჩვენთან კიდევ დიდი ხნით ითამაშოს. და როცა ხალხს ერთი მიზანი აქვთ, მსგავსი პრობლემა ყოველთვის გვარდება.ფულზე ჯერ არ გვილაპარაკია. რონალდო დასასვენებლადაა და ეს საკითხი მოიცდის იქამდე, სანამ ის არ დაბრუნდება." - პერესის ბოლო დროს გაკეთებული განცხადებები როგორც აღმოჩნდა, სინამდვილეს არ შეესაბამებოდა. მისი ამ საქციელის ერთადერთ მიზეზად კლუბში მოახლოებული საპრეზიდენტო არჩევნები შეიძლება ჩაითვალოს, რომელშიც არც თუ ისე კარგად მისდის ამჟამინდელ პრეზიდენტს საქმე, ამიტომ ასე რომ ვთქვათ ეს ჭორი მან თავისი პოზიციების გასამყარებლად გაავრცელა.
The Sun-ის ბოლო დროს გავრცელებული ინფორმაციის თანახმად, "იუნაიტედი" რონალდოს გადაბირებას 65 მილიონ ფუნტად აპირებს. "წითლებს" იმედი აქვთ, რომ ტრანსფერი 8 აგვისტომდე შედგება და უკვე 8-ში კრიშტიანუ "სევილიასთან" გასამართ ამხანაგურ მატჩში მიიღებს მონაწილეობას.