"მანჩესტერ იუნაიტედის" ფორვარდი რობინ ვან პერსი იხსენებს რვა მაისის დღეს, როდესაც სერ ალექს ფერგიუსონმა პენსიაზე გასვლა განუცხადა მსოფლიოს.
"სერ ალექსი შემოვიდა გასახდელში და პირველი რაც გააკეთა გვითხრა, რომ ის პენსიაზე გადიოდა. მე სუნთქვა შემეკვრა და თავი გავაქნიე. მეგონა სიზმარში ვიყავი. შემდეგ გავიფიქრე:" ხომ არ მომესმა? ეს ნამდვილად თქვა?"
"გასახდელში სიჩუმე ჩამოვარდა, ცოტა ხანში კი ყველა დაიცალა ემოციებისგან. იმ დღეს სერ ალექსმა დიდი დრო გაატარა გუნდთან. მისი გამოსვლა განსაკუთრებული იყო და მე ბედნიერი ვარ, რომ ვარ ერთ-ერთი ვინც ეს მოისმინა. ვთვლი, რომ ეს დღე ფეხბურთისთვის ისტორიული დღეა, მიუხედავად იმისა, რომ ამ სიახლით ბედნიერი არავინ ყოფილა." - ციტირებს ვან პერსის Sky Sports.