ინგლისის ფეხბურთის ასოციაციამ დაადასტურა, რომ ქომუნითი შილდის მატჩი "უემბლიზე" "მანჩესტერ იუნაიტედსა" და "უიგანს" შორის 11 აგვისტოს, კვირა დღის 17:00-ზე (ჩვენი დროით) გაიმართება. დევიდ მოიესი ახალ კლუბში თავის პირველ ოფიციალურ მატჩს სწორედ ამ დღეს ჩაატარებს. დევიდს შანსი აქვს, რომ პირველივე შეხვედრაში მოიგოს ტიტული. "იუნაიტედის" ფანებს FA-მ 35 000 ბილეთი გამოუყო. ფასები 20 ფუნტიდან იწყება. ბილეთების დაჯავშნა დღეიდანაა შესაძლებელი. შეგახსენებთ, რომ ქომუნითი შილდის მატჩი ყოველი წლის აგვისტოში იმართება და მასში მონაწილეობას პრემიერ ლიგისა და ასოციაციის თასის გამარჯვებულები იღებენ. ბოლოს "იუნაიტედმა" ეს ტიტული 2011 წელს, "სიტისთან" ანგარიშით 2:0-დან 2:3-მდე შემობრუნებულ შეხვედრაში მოიგო.