"მანჩესტერ იუნაიტედის" მწვრთნელ დევიდ მოიესს კლუბში "მანჩესტერ სიტის" აკადემიის ადმინისტრატორის ნილ რობერტსის მოყვანა სურს.
"უიგანის", "ვრიქლემის" და უელსის ნაკრების ყოფილმა თავდამსხმელმა "სიტის" აკადემია დაარსა და მალევე მოიპოვა დიდი რეპუტაცია მსოფლიოს მასშტაბით.
მოიესი სამწვრთნელო შტაბის გაძლიერებას გეგმავს "ევერტონის" სპეციალისტების ჯიმი ლამსდენის, კრის ვუდის და სტივ რაუნდის მოყვანით.
ამავდროულად, Sportsmail-ის ცნობით, "იუნაიტედმა" "პენაროლთან" შეთანხმებას მიაღწია და ურუგვაელ ვარელას 1.2 მილიონ ფუნტად შეიძენს. 20 წლის ფეხბურთელმა ჯერ კიდევ ერთი თვის წინ ივარჯიშა "მანჩესტერში", ახლა კი აგენტთან ერთად ლონდონში მიემგზავრება მოლაპარაკებების საბოლოოდ დასასრულებლად.