მადრიდის რეალი კვლავ ცდილობს მათი ვარსკვლავის კრიშტიანუ რონალდუს გადაბირებას, რათა ახალ კონტრაქტს მოაწეროს ხელი, თუმცა რამდენიმე ცდის მიუხედავად პორტუგალიელი უარს აცხადებს მეფეებდან ახალი კონტრაქტის გაფორმებაზე. როგორც AS და Marca იუწყებიან ეს არ არის პირველი შემთხევა, როცა რონალდო უარყოფს მათ შემოთავაზებას.

რამდენიმე დღის წინ გავრცელდა ინფრომაცია, რომ რონალდომ უკვე გააფორმა ახალი კონტრაქტი მადრიდულ კლუბთან და ის ყველაზე მაღალანაზღაურებადი ფეხბურთელი გახდა, თუმცა ეს მხოლოდ პიარი იყო პერესისთვის. სულ მალე იწყება რეალის პრეზიდენტის არჩევნები, რომელშიც არც თუ ისე კარგად მისდის ამჟამინდელ პრეზიდენტს, პერესს საქმე, ამიტომ ასე რომ ვთქვათ ეს ჭორი მან თავისი პოზიციების გასამყარებლად გაავრცელა, თუმცა ეს ყველაფერი ტყუილი აღმოჩნდა და რონალდოს კონტრაქტი არ გაუხანგრძლივებია, რასაც ზემოთაღნიშნული წყაროები ადასტურებენ.

ბოლო ხანებში რონალდო არც თუ ისე კარგად გრძნობს თავს რეალში. ამას უტიტულო სეზონიც დაემატა, რაც კიდევ ერთი მიზეზია მისთვის, რათა დატოვოს მადრიდი. მას 2014-2015 წლებამდე აქვს კონტრაქტი მადრიდელებთან, თუმცა მეფეების მმართველობა მოითხოვს რაც შეიძლება მალე გახანგრძლივდეს პორტუგალიელთან კონტრაქტი. ყველა მათი ცდა უშედეგოა. ამათანავე რონალდომ რამდენიმე პრესკონფერენციაზე განაცხადა, რომ ის დაბრუნდება სახლში. რა თქმა უნდა ის მანჩესტერ იუნაიტედში დაბრუნებას გულისხმობდა. აქედან გამომდინარე სულ უფროდაუფრო რეალური ხდება მისი იუნაიტედში გადაბარგება...

წყარო: AS.com, Marca.com