დევიდ დე ხეამ უეინ რუნიზე ისაუბრა და თქვა, რომ მას "იუნაიტედი" ინგლისელი ფორვარდის გარეშე ვერ წარმოუდგენია. დევიდი ის კლუბის ერთ-ერთ ლიდერად მოიხსენიებს.
როგორც გასულ თვეში სერ ალექსმა განაცხადა, უეინს კლუბის დატოვება სურს, მაგრამ "იუნაიტედი" მის გაშვებას არ აპირებს. რუნისთან შეხვედრას აპირებს დევიდ მოიესი, რომლისთვისაც ამ საკითხის გადაწყვეტა ალბათ, ერთ-ერთი უმთავრესია.
"ვერ წარმომიდგენია "იუნაიტედი" რუნის გარეშე. ის ჩვენი ერთ-ერთი წამყვანი ფეხბურთელია, მას აქ ჯერ კიდევ ბევრი ტიტული აქვს მოსაგები."
დევიდმა თავის "მანჩესტერულ" კარიერაზეც ისაუბრა და აღნიშნა, რომ "ოლდ ტრაფორდზე" დარჩენას კიდევ დიდი ხნით აპირებს.
"ამ კლუბთან კონტრაქტი მაკავშირებს. "იუნაიტედში" თავს უფრო და უფრო კარგად ვგრძნობ.
ჩვეული სირთულეების გადალახვა უკვე მომიწია - ახალი ქვეყანა, ენა, განსხვავებული ლიგა - ბევრი მუშაობით ამ ყველაფერთან ადაპტაცია მოვახერხე. მანჩესტერში ბედნიერი ვარ."
ესპანელი გოლკიპერი აღიარებს, რომ ფერგიუსონის დაუხმარებლად ჩასატარებელი წინა-სასეზონო მოსამზადებელი პერიოდი უცნაური და ფეხბურთელებისთვის უცხო იქნება.
"ძალიან მეწყინა, როცა ფერგიუსონის გადაწყვეტილებაზე გავიგე. უცნაური სანახავი იქნება, როცა მას სავარჯიშო მოედანზე ან სათადარიგოთა სკამზე ვერ ვიხილავთ. ის "მანჩესტერ იუნაიტედში" ყველაფერი იყო. ის იყო "მანჩესტერ იუნაიტედი."
დევიდ მოიესმა "ევერტონში" ფანტასტიური სამუშაო ჩაატარა, ახლა ყველანი მას ვუჭერთ მხარს. ფერგიუსონის ჩანაცვლება არ არის ადვილი, მაგრამ ალექსმა სწორედ ის აირჩია."

წყარო: skysports.com