"მე კლუბში თექვსმეტი დაუვიწყარი წელი გავატარე, რომელთაგან ათი წელი "იუნაიტედის" აღამსრულებელ დირექტორად ვიმუშავე. მუშაობა კლუბის პერსონალთან და თვით სერ ალექს ფერგიუსონთან ჩემთვის დიდ პრივილეგიად ითვლებოდა. როდესაც უკან, წარსულში ვიყურები ვხვდები, რომ საოცარი გამოცდილება მივიღე. მე ძალიან მაინტერესებს ის, თუ რას მიაღწევს კლუბი შემდეგ სეზონში, ოღონდ ახალ მწვრთნელთან და მომუშავე პერსონალთან ერთად." – განაცხადა დევიდ გილმა manutd.com–თან.

"მე კლუბის აღმასრულებელ დირექტორად 2003 წელს დავინიშნე, ხოლო ის სეზონი "არსენალმა" მოიგო. შემდეგი ორი წელი კი ჩემპიონი "ჩელსი" ხდებოდა ჯოზე მოურინიოს ხელმძღვანელობით. მახსოვს საუბარი სერ ალექსთან და კარლუშ კეიშერუსთან. ისინი თვლიდნენ, რომ კლუბს ახალი რამ ჭირდებოდა. აი სწორედ ამიტომ ვთვლი 2006/07 წლების სეზონს საუკეთესოდ ჩემთვისაც და კლუბისთვისაც. სწორედ ამან მოგვცა საშუალება დიდი წარმატება მიგვეღწია 2008 წელს."

"თქვენ უბრალოდ ვერ დაივიწყებდით იმ მატჩს მოსკოვში. ჩვენ ბოდიში მოვუხადეთ ზეპ ბლატერს და მიშელ პლატინის ჩემი რეაქციის გამო, მატჩის შემდგომ! აი რა არის ამ კლუბში ყველაზე შესანიშნავი, მან მაჩუქა არაერთი დაუვიწყარი წუთი. მე ძალიან კარგი ურთიერთობა მაქვს სერ ალექსთან. მისგან ბევრი რამეც ვისწავლე. მე მას 1997 წლიდან ვიცნობდი, მაგრამ იმ დროს კლუბში არ ვმუშაობდი. ჩვენ ორივეს, საუკეთესო გვინდოდა კლუბისთვის, ამიტომ ყველაფრის გაკეთებას ვცდილობდი, რასაც ის მოინდომებდა. მე ამ მეგობრობას ყოველთვის დავაფასებ და გავუფრთხილდები."

ასევე დევიდმა თავის შემცვლელ ედ ვუდვორდზეც გააკეთა მცირე კომენტარი:"მე ძალიან გამიხარდა, რომ სწორედ ეს ადამიანი დანიშნეს ჩემს მაგივრად. დევიდ მოიესს მასთან მუშაობა ნამდვილად მოეწონება და დარწმუნებული ვარ, რომ კლუბს შესანიშნავი მომავალი ექნება. ედი ამ კლუბში უკვე მრავალი წელია და იცის, თუ რა უნდა გააკეთოს "იუნაიტედითვის"."



წყარო:http://redevils.ru