დენი უელბეკი იმედოვნებს, რომ 2013/2014 წარმატებული სეზონი "მანჩესტერ იუნაიტედში" მას საშუალებას მისცემს აიხდინოს ოცნება და წარადგინოს ინგლისის ნაკრები "მსოფლიო ჩემპიონატზე" ბრაზილიაში.

"წითლების" თავდამსხმელი, რომელიც ბავშვობაში აღმერთებდა რონალდოს, რივალდოსა და რონალდინიოს, ბოლო წლებში კი ადგილი დაიკვიდრა ინგლისის ნაკრებში, აღფრთოვანებულია იმით, რომ შესაძლებლობა ექნება ამ ტურნირის მონაწილე გახდეს.

თუმცა მას ორი ძირითადი დაბრკოლება აქვს. პირველი, ინგლისმა უნდა მოახერხოს ძლიერი ჯგუფის გავლა და ფინლურ ეტაპზე მოხვედრა და მეორე, უელბეკმა უნდა მოახერხოს თავის გამოჩენა "იუნაიტედში", რომელსაც სათავეში დევიდ მოიესი ჩაუდგა.

"აუცილებელია, რომ ჩვენ მოვახერხოთ ფინალურ ეტაპზე მოხვედრა." განაცხადა დენიმ "ეს არის ეტაპი, რომელშიც მოხვედრა ყველას უნდა, არავის არ უნდა რომ გამოტოვოს მსოფლიო ჩემპინატი."

"ჩემი სანაკრებო კარიერა შესანიშნავად მიდის და მე მოვახერხე ბევრი დაბრკოლების გადალახვა. ეს "იუნაიტედში" თამაშშიც მეხმარება, სადაც ყოველთვის არის წნეხი."

"მე უნდა დავრწმუნდე, რომ მაქვს შესაძლებლობა კონკურენცია გავუწიო სხვა ფეხბურთელებს თავდამსხმლის პოზიციაზე ინგლისის ნაკრებში და ვიცი რომ პირველ რიგში ამისთვის საჭიროა წარმატებული სეზონი "პრემიერ ლიგაში". მე უნდა შევძლო რეგულარულად და სტაბილურად თამაში, ასევე ბევრი გოლის გატანა."

როგორც უელბეკმა განაცხადა მისი ძირითადი მიზანი იქნება გოლების გატანა, რომელიც წელს მხოლდ ორჯერ შეძლო და დარწმუნებულია, რომ ეს შედეგი შემდეგ წელს ბევრად გაუმჯობესდება. თუმცა მის გასამართლებლად შეიძლება ითქვას, რომ ამ სეზონში მას ძირითადად ვინგერად უწევდა თამაში.

"ეს არის კომპონენტი, რომლის გაუმჯობესებასაც ვცდილობ. თუ გუნდს დასჭირდება ჩემი დახმარება სხვა პოზიციაზე, მე ამას სიამოვნებით გავაკეთებ. მაგრამ შევეცდები, რომ მეტი გოლის გატანა მოვახერხო სხვა პოზიციიდანაც. ეს გუნდს ძალიან წაადგება. ყველა თავდამსხმელმა იცის, რომ თუ ისინი შანსს მიიღებენ, აუცილებლად უნდა გამოიყენონ."

წყარო: ManUtd.com