გამოცემა The Sun იუწყება, რომ მას შემდეგ რაც კლუბიდან მაიკლ ფელანი და ერიკ სტილი გაუშვეს, "იუნაიტედს" ნებაყოფლობით დატოვებს რენე მალესტინი.
როგორც ცნობილია, დევიდ მოიესს მალესტინის გაშვება არ სურს და მის პროფესიონალიზმსაც აფასებს. უცნობმა წყარომ, ჟურნალს ასეთი ინტერვიუ მისცა: "დევიდ რენეს დატოვება ძალიან სურს, მალესტინს კლუბში და ფეხბურთელებში დიდი ავტორიტეტი აქვს. მაგრამ თავად რენე ფიქრობს, რომ სხვა კლუბში გადასვლა სჭირდება. სერ ალექსის გუნდიდან წასვლა მისთვის შოკი აღმოჩნდა და თვლის, რომ კლუბის დატოვების დრო მოვიდა".
შეგახსენებთ, რომ მალესტინი სერ ალექსის თანაშემწე 2007 წელს გახდა. მანამდე იგი რეზერვებში მუშაობდა.