"მანჩესტერ იუნაიტედის" ყოფილი ფეხბურთელი ენდი კოული თვლის, რომ დევიდ მოიესმა ახალ კლუბში პირველივე სეზონში უნდა მოიგოს რომელიმე ჩემპიონატი.
"მანჩესტერელი" ლეგენდის თქმით, თუნდაც ასოციაციის ან კარლინგის თასის მოგება გუნდის ფეხბურთელებს კიდევ უფრო გააძლიერებს და მეტ თავდაჯერებულობას შეჰმატებს. კოული თვლის, რომ მოიესმა ახალ კლუბში ის გზა უნდა განაგრძოს, რომელსაც აქამდე "ევერტონში" გადიოდა.
"მოიესმა ტიტული თავის პირველსავე სეზონში უნდა მოიგოს. პრემიერ ლიგა, ასოციაციის თასი თუ კარლინგის თასი, რომელიმე ჩემპიონატში მან უნდა გაიმარჯვოს.
სწორი არაა, როცა ამბობენ, რომ 'მწვრთნელი შეიცვალა და სამეულში ან ოთხეულში უნდა მოვხვდეთ.' ის სწრაფად უნდა შეეგუოს ახალ კლუბს, იგივეს გაკეთება მოუწევთ მოურინიოს "ჩელსიში" და პელეგრინის "სიტიში".
განა ამ სამუშაოს შესრულება შეუძლებელია? მწვრთნელობა ძალიან, ძალიან რთული საქმიანობაა.
ტიტული "მანჩესტერ იუნაიტედის" ფეხბურთელებს კიდევ უფრო გააძლიერებს. მათ კვლავ ენდომებათ მოგება. მათ კვლავ ენდომებათ ტიტულის შენარჩუნება მიუხედავად ახალი მწვრთნელის დანიშვნისა.
ბევრი მოსაზრებაა იმასთან დაკავშირებით, თუ რა საქმიანობას შეასრულებს სინამდვილეში სერ ალექსი, როცა ის კლუბის დირექტორად დაინიშნება. ხალხი ფიქრობს, რომ ის დევიდ მოიესს გააკონტროლებს, როგორც ამას სერ მატ ბასბი აკეთებდა. უნდა მოვიცადოთ და ვნახავთ რა მოხდება.
ახალ გარემოში მოიესს ახალი სირთულეები შეხვდება, მაგრამ მან იგივე გზა უნდა გააგრძელოს, რასაც აქამდე გადიოდა.
ის ძალიან კარგი მწვრთნელია. მან "ევერტონში" შეზღუდული ფინანსური შესაძლებლობებით ძალიან ბევრი გააკეთა, მაგრამ ჩვენ ყველამ ვიცით, რომ "მანჩესტერ იუნაიტედი" სრულიად განსხვავებული ობიექტია. მას დასახარჯი ფული ექნება, შეეძლება იყიდოს მსოფლიოს საუკეთესო ფეხბურთელები და მიხვდება, რომ ტოპ კლუბში მან დაუყონებლივ, მისვლისთანავე უნდა მოიგოს ჩემპიონატი." - დაასრულა კოულმა.