სერ ალექს ფერგიუსონი აცხადებსმ "იუნაიტედში" მისი ბოლო მატჩის მოგება განსაკუთრებულად სურს. მისი თქმით, შემადგენლობაში რამდენიმე ცვლილება იქნება და მოედანზე ახალგაზრდა ფეხბურთელები გამოვლენ. მათ შორის იქნებიან ჯონი ევანსი და ფილ ჯონსი, რომლებიც ფერგიუსონის აზრით კლუბის მომავალი საყრდენი ფეხბურთელები იქნებიან. შოტლანდიელი კვირას საიუბილეო, 1500-ე შეხვედრას ჩაატარებს. "1500 მატჩი - ეს წარმოუდგენელია. "ვესთ ბრომვიჩი" ფანტასტიურ სეზონს ატარებს, ყველა გუნდს სურს, რომ სეზონის ბოლო მატჩი მოიგო. რა თქმა უნდა, მეც უფრო მეტად მინდა ამ შეხვედრის მოგება, ვიდრე ეს წინა კვირაში მსურდა. ტრავმებთან დაკავშირებით პრობლემები არ მაქვს. მხოლოდ რამდენიმე ცვლილება იქნება, ალბათ ახალგაზრდა ფეხბურთელებს ვათამაშებ. ლინდეგარდი ძირითადში იქნება. რაფაელი არ გვყავს, ამიტომ მარჯვენა მცველის პოზიციაზე საფიქრალი მაქვს. ცენტრში ჯონსის და ევანსი მინდა ვათამაშო - მათ ადგილს კლუბის მომავალში ვხედავ. რიოს და ვიდიჩს სათადარიგოთა სკამზე მოუწევთ ადგილის დაკავება. მოუთმენლად ველი ამ შესანიშნავ მატჩს." - დაასრულა ფერგიუსონმა.