შინჯი კაგავამ "მანჩესტერ იუნაიტედის" მწვრთნელ სერ ალექს ფერგიუსონზე ისაუბრა და მისი პიროვნული თვისებებიდან განსაკუთრებით საკუარი ფეხბურთელებისადმი მეგობრული დამოკიდებულება გამოყო. ფერგიუსონი ხვალ "იუნაიტედში" 1500-ე მატჩს ჩაატარებს. შოტლანდიელმა კაგავა "ოლდ ტრაფორდზე" წინა ზაფხულს, "დორტმუნდიდან" გადმოიყვანა. "მას მაგნიტური ძალა აქვს. ეს ფერგიუსონთან პირველივე შეხვედრაში ვიგრძენი. მას ფეხბურთელებთან კარგი კომუნუკაცია აქვს და მოთამაშეებს პატივს სცემს. როგორც კი სეზონი დაიწყო, მას კიდევ უფრო დავუახლოვდი, როგორც საფეხბურთო, ისე სხვა დანარჩენ საკითხებში. ეს ჩემთვის ძალზედ მნიშვნელოვანი იყო. ფერგიუსონი მეგობრული პიროვნებაა, მისი სული ბევრად უფრო ახალგაზრდულია ასაკთან შედარებით. ვფიქრობ, ამის მიზეზი მის მიერ მიღწეული წარმატებები და ასევე მისი პიროვნული თვისებებია. ვისურვებდი, რომ მისი ხელმძღვანელობით უფრო დიდი ხანი მეთამაშა. სერ ალექსის მიღწევები ამ კლუბში უზარმაზარია - ის პროფესიონალია." - დაასრულა კაგავამ.