მიუნხენის "ბავარიის" სპორტულმა დირექტორმა მატიას ზამერმა უარყო ყველა ჭორი, ვითომდა მიუნხენელებს სურდათ "მანჩესტერ იუნაიტედის" თავდამსხმელის უეინ რუნის შეძენა.
როგორც ცნობილია, რამოდენიმე დღის წინ, რუნიმ მოითხოვა სატრანსფერო ბაზარზე დაყენება, მაგრამ ამ წინადადებას კლუბმა უარყოფითად უპასუხა.
დაიტერესებულ კლუბთაგან ერთ-ერთი პრესის თქმით აღმოჩნდა "ბავარია", მაგრამ ზამერმა განაცხადა, რომ ის არ აპირებდა ინგლისელი თავდამსხმელის შეძენას.
"არ ვიცი რუნი, როგორ მოერგება ბუნდესლიგას. მე ამ კითხვაზე ვერ გიპასუხებთ."
"ერთადერთი რისი თქმაც შემიძლია ისაა, რომ ჩვენ პატივს ვცემთ უეინ რუნის, მაგრამ ჩვენს შორის არანაირი კონტრაქტი არ გაფორმებულა. ჩვენ ეს ნამდვილად არ გაგვიკეთებია." - განაცხადა ზამერმა ESPN-თან.