"მანჩესტერ იუნაიტედის" ფრანგმა მცველმა პატრის ევრამ განაცხადა,რომ გუშინ "ოლდ ტრაფორდზე" განსხვავებული და საოცარი ატმოსფერო იყო.ის ასევე დამწუხრებულია იმ ფაქტით,რომ სერ ალექს ფერგიუსონი ტოვებს თავის პოსტს.

"გუშინ ნამდვილად ძალიან ემოციური დღე იყო.მე ძალიან მოხარული ვარ,რომ ტიტული მოვიპოვეთ,მაგრამ სამწუხაროა სერ ალექს ფერგიუსონის გადადგომის ფაქტი.გუშინ "ოლდ ტრაფორდზე" ძალიან კარგი ატმოსფერო იყო.ადრე არასოდეს მოყოლია ტიტულის მოპოვებას ასეთი ემოცია.სერ ალექსისგან ყოველთვის ვგრძნობდი მხარდაჭერას,როდესაც თამაში დასრულდა მე მასთან მივედი და მადლობა გადავუხადე იმისთვის,რაც ჩემთვის გააკეთა" - განაცხადა ევრამ.

"გუშინდელი გამარჯვება ჩვენ სერ ალექსს მივუძღვენით.ძალიან მოხარული ვიყავი იმით,რომ რიო შეძლო გამარჯვების გოლის გატანა.ვფიქრობ რიომაც ძალიან კარგი სეზონი ჩაატარა.ეხლა ტიტული სახლში დაბრუნდა და მომავალ წელს ჩვენ მის შენარჩუნებაზე ვიზრუნებთ.მე და ჩემი გუნდი გაძლევთ პირობას,რომ ყველაფერს გავაკეთებთ მომავალ წელს ტიტულის შენარჩუნებისთვის" - დაასრულა ევრამ.