სერ ალექს ფერგიუსონმა დაადასტურა, რომ რუნიმ კლუბიდან წასვლა მოითხოვა. მაგრამ კლუბი მის გაშვებას არ აპირებს. რუნი განაცხადის მიღმა დარჩა "სუონსთან" მატჩში, მან შეხვედრას ჯერ ტრიბუნებიდან უყურა, შემდეგ კი ტიტულის გადაცემის ცერემონიისას თანაგუნდელებს მოედანზე შეუერთდა. უეინის საფიქრალი ახლა მისი მომავალია, ფერგიუსონი თვლის, რომ ის კვლავ "ოლდ ტრაფორდზე" გააგრძელებს კარიერას. "მან კლუბიდან წასვლა გვთხოვა, მაგრამ ჩვენ უარი ვუთხარით. უკეთესი იყო, რომ უეინს დღეს არ ეთამაშა. მას ახლა ამაზე ფიქრი შეუძლია. ის უკმაყოფილოა მოედნიდან რამდენიმეჯერ გაყვანით, მაგრამ ტოპ ფორმაში მყოფი უეინი მინდორს არ დატოვებდა. რუნიმ უნდა იფიქრობს თავის მომავალზე, რადგან ის აქ დარჩება." - განაცხადა ფერგიუსონმა "სუონსთან" მატჩის შემდგომ.