დასრულდა გენიალური შოტლანდიელის ეპოქა. ჩვენ უკვე ვეღარ ვნახავთ "ოლდ ტრაფორდის" სათადარიგო სკამზე მყოფ მოხუცს თავის საყვარელ შავ "პალტოში". 26 წელი. ყოველი წუთი ამ წლებიდან აღსავსე იყო დიდებითა და წარმატებით. ყველამ კარგად იცოდა, რომ მოვიდოდა დრო და ეს ზღაპარი დასრულდებოდა. ყველამ იცოდა ეს, მაგრამ არ სჯეროდა! არ გვჯეროდა და არც ახლა გვჯერა, ალბათ ეს იქამდე გაგრძელდება, სანამ ფერგიუსონის ადგილას სხვას დავინახავთ.

როდესაც სერ ალექსი "იუნაიტედს" ედგა სათავეში, მსოფლიო წარმოუდგენლად შეიცვალა. ახალი ცვლიდა ძველს, რაღაცას ანგრევდნენ, რაღაცას აშენებდნენ, მაგრამ მხოლოდ ერთი რჩებოდა უცვლელი-ფერგიუსონი და მისი კევის ღეჭვის ხმა, რომელიც მთელ სტადიონზე ისმოდა. იცვლებოდნენ ფეხბურთელებიც, ზოგი მიდიოდა, ზოგი მოდიოდა, მაგრამ "იუნაიტედის" დიდება უცვლელი რჩებოდა. ალექს ფერგიუსონმა საფეხბურთო სამყაროს არაერთი ვარსკვლავი აჩუქა, რომლებმაც სახელი მთელ მსოფლიოში გაითქვეს. მაგრამ ამასთა ნერთად, მან აღზარდა ახალგაზრდა გულშემატკივრებიც, რომლებსაც შოტლანდიელი საკუთარ შვლებათ მიიჩნევს.

მოვიდა დრო და "დაუმარცხებელი" შოტლანდიელიც წავიდა. დაივიწყეთ ის თურქი "მადრიდისტა", რომელსაც ნიკოლას კეიჯის ღიმილი აქვს და ის ბრწყინვალე "აკრობატიც" ლურჯ ფორმაში, რომელმაც მეორე ტიტული წაართვა ამ სეზონში ფერგიუსონს. მან გააკეთა ის, რაც უკვე განაკეთები ჰქონდა ცამეტჯერ:ისევ მოიგო პრემიერლიგა. მან თავისი დიდება და პროფესიონალიზმი კარიერის ბოლომდე შეინარჩუნა. მოდით ერთ რამეზე შევთანხმდეთ, იგი უბრალოდ დიდი მწვრთნელი არარის, ის მსოფლიოს უდიდესი მწვრთნელია და ამაზე ყველაფერი მეტყველებს!


კარიერის დასრულების წინაც ფერგიუსონმა ყველაფერი ისე მოაწყო, რომ გუნდს მისი წასვლის შემდეგ არაფერი დატყობოდა. რაც არ უნდა ვთქვათ, ეს ყველაზე იდეალური მომენტია კარიერის დასასრულებლად. ჯერ ერთი, ეს ოდესმე უნდა მომხდარიყო და დროის გაწელვა არასწორი იქნებოდა გუნდის მიმართ. მანჩესტერ იუნაიტედი უნდა მიხვდეს, თუ რას ნიშნავს თამაში-სერ ალექს ფერგიუსონის გარეშე. ახლა კი ისინი ამისთვის მზად არიან ისე, როგორც არასდროს. ბოლოს და ბოლოს, შოტლანდიელმა ისეთი გუნდი შექმნა, სადაც გამოცდილება ეზავება ახალგაზრდა ფეხბურთელების ნიჭს. ახალ მწვრთნელს კი, ისღა დარჩენია შემოვიდეს გუნდში და კარი კარგად მოიხუროს. საერთო ჯამში, საეჭვოა მანჩესტერი კორდინალურად შეიცვალოს, ვინაიდან ფერგიუსონი გუნდში გენერალურ დირეკტორად რჩება და პირველად ცხოვრებაში მას უფლება ექნება დააკვირდეს მაყურებლის თვალით იმას, რასაც წლების მანძილზე აშენებდა.

ყველა ტრანსფერი უდაოდ ფერგიუსონის მიერ იქნება კონტროლის ქვეშ. ახალგაზრდა ფეხბურთელებების აღზრდა 100 პროცენტით დარწმუნებული ვარ, რომ არ შეწყდება. უფრო მეტიც: ამ საქმისათვის ფერგიუსონს უფრო მეტი დრო ექნება. არამგონია, რომ ფერგიუსონმა დაუშვას რუნისა და სხვა ფხბურთელების წასვლა გუნდიდან ამ ზაფხულში, იმის მიუხედავად, თუ რა ამბავი დაატრიალეს ჟურნალისტებმა.



აი რა მოუვა გუნდს, როდესაც ფერგიუსონი საბოლოოდ დატოვებს "იუნაიტედს", აუცნობია. სწორედ მაშინ დადგება ის პერიოდი, რისიც დღეს "მანჩესტერ იუნაიტედის" გულშემატკივართ უმრავლესობას ეშინია. ვინ იცის, იქნებ როგორც მაშინ, მატ ბასბის წასვლის შემდეგ, ჩემპიონის მოლოდინში 15 წელი მოგვიწევს ლოდინი. იქნებ საერთოდ, როგორც ადრე, ჩვენ გადარჩენისათვის დავიწყოთ ბრძოლა? მაგრამ, მე ვფიქრობ, რომ ფერგიუსონი გააკეთებს ყველაფერს იმისათვის, რომ მისი წასვლის შემდეგ აშენდეს ახალი სახლი და შეიქმნეს ახალი ოჯახი. ამასთან ერთად, გულშემატკივრებს დიდ იმედს უსახავს თვით დავიდ მოიესიც, რომელმაც დაბალი დონის გუნდიდან, ერთ-ერთი ინგლისის საუკეთესო უნდი შექმნა.

დიდი მადლობა ყველაფრისთვის, სერ ალექს ჩემპმენ ფერგიუსონო! კიდევ ერთხელ, დიდი მადლობა! მადლობა იმ ემოციებისათვის, რაც გვაჩუქეთ. მადლობა ასეთ გუნდის შექმნისათვის და უამრავი გამარჯვებისათვის. მაგრამ ახლა, თქვენი გადაწყვეტილების გამო თითოეულ ჩვენგანის გულში გაუგებრობამ დაისადგურა. ეს ისეთი გრძნობაა, რომელსაც შგვიძლია დავარქვათ:"მოწყენა და საშიშროება".