მანჩესტერ იუნაიტედის ინგლისელ ფორვარდს, უეინ რუნის პრესა არასდროს ასვენებდა, ახლა კი როდესაც ფერგიუსონი გუნდიდან წავიდა და მის ნაცვლად "ევერტონის" თავკაცი დევიდ მოიესი "იუნაიტედის" მთავარ მწვრთნელად დაინიშნა უფრო გამძაფრდა ჭორები რუნის სავარაუდო წასვლაზე.მაგალითად, გუშინ არაერთი ინგლისური გაზეთი წერდა, თითქოს უეინმა წაშალა თავისი თვითერის ექაუნთიდან მინაწერი "მანჩესტერ იუნაიტედის ფეხბურთელი".ამჟამად მას უწერია "ნაიკის ათლეტი".

არ არის გასაკვირი, რომ ამ ამბავმა გამოიწვია უარყოფითი რეაქცია "იუნაიტედის" გულშემატკივართა შორის.ისინი რუნის "გამყიდველობას" აბრალებენ.პრესამ კი უფრო გაამძაფრა სიტუაცია, როდესაც დაწერა, თითქოს ინგლისელი ფორვარდი "ოლდ ტრაფორდზე" უკანსკნელ სეზონს ატარებს.

სამწუხაროდ, ჟურნალისტებმა ერთ ფაქტს არ მიაქციეს ყურადღება:უეინს ტვიტერის ექაუნთზე არასდროს ჰქონდა მითითებული ის, რომ "იუნაიტედის" ფეხბურთელია.მას მხოლოდ თავისი ოფიციალური საიტის და ფეისბუკის გვერდის მისამართი ჰქონდა აღნიშნული.იმ ფაქტის გათვალისწინებით, რომ რუნი უკვე 10 წელია ნაიკთან თანამშრომლობს, ჟურნალისტების მორიგი მცდელობა სკანდალის აგორებისა, ალბათ კრახით დასრულდება."იუნაიტედის" ფორვარდი სხვადასხვა სოციალურ ქსელს იყენებს თავისი სპონსორის რეკლამირებისთვის.ნაიკთან კონტრაქტის გაფორმების შემდეგ მან გადაწყვიტა ტვიტერში დაეწერა @NikeUK athlete.თავის მხრივ, ამ ლინკზე გადასვლის შემდეგ თქვენ შეგიძლიათ იხილოთ ნაიკის ოფიციალური გვერდი ტვიტერში.

წყარო:http://www.manutd.ru