"მანჩესტერ იუნაიტედის" ყოფილი ნახევარმცველის აზრით, მსოფლიოში არ არსებობს ისეთი ადამიანი რომელსაც სერ ალექსზე მეტი ტიტული აქვს მოგებული. "სიმართლე გითხრათ ამ წერილმა ძალიან გამაოგნა. სერ ალექსის მიღწევები უბრალოდ წარმოუდგენელია. ჩემი აზრით, არ არსებობს ადამიანი რომელსაც ამდენი ტიტული აქვს მოგებული. ორი კვირის უკან სერ ალექსი ამბობდა, რომ გუნდში კიდევ რამდენიმე წელი დარჩებოდა. სწორედ ამიტომ ჩავვარდი შოკში".
"ბედნიერი ვარ იმით, რომ სერ ალექსთან 6 წელი ვმუშაობდი. კარგად მახსოვს ჩემი პირველი დღე კლუბში. სასაცილოა მაგრამ სამედიცინო შემოწმება ვერ გავიარე და ყველანაირი იმედი გადამეწურა. მაგრამ სერ ალექსი შვილივით მომექცა. არასდროს დამავიწყდება ეს მომენტი."
"მისი შემცვლელი აუცილებლად ღირსეული უნდა იყოს. მისთვის ძნელი იქნება, რადგან სერ ალექსმა გუნდი ბრწყინვალედ აათამაშა. მაგრამ ვინც არ უნდა მოვიდეს, ღირსეულ მემკვიდრეობას მიიღებს, რომელიც სერ ალექსმა დატოვა"._განაცხადა პოლ ინსმა.