"მანჩესტერ იუნაიტედის" ლეგენდალურმა გოლკიპერმა პეტერ შმეიხელმა დევიდ მოიესის კანდიდატურა განიხილა სერ ალექს ფერგიუსონის შემცვლელად.როგორც დღეს დილით გახდა ცნობილი "წითელი ეშმაკების" შოტლანდიელი თავკაცი სერ ალექს ფერგიუსონი 26 წლიანი მუშაობის შემდეგ გუნდის მთავარი მწვრთნელის პოსტს დატოვებს და "მანჩესტერ იუნაიტედის" დირექტორი გახდება.
"ვფიქრობ "მანჩესტერ იუნაიტედს" ჭირდება ისეთი სტაბილური მწვრთნელი როგორიც სერ ალექს ფერგიუსონი იყო.გუნდში უნდა მოვიდეს ისეთი სპეციალისტი,რომელიც არა 3-4 თვით დარჩება გუნდში არამედ რამდენიმე წლით.ალბათ დევიდ მოიესი ამ მხრივ ძალიან კარგი კანდიდატურაა,რადგან "ევერტონს" უკვე 10 წელია წვრთნის.მან ძალიან პატარა ბიუჯეტით მოახერხა მაღალი დონის კლუბის ჩამოყალიბება.სტაბილურობა - ალბათ ერთ-ერთი მთავარი პრიორიტეტი იქნება "მანჩესტერ იუნაიტედის" მთავარი მწვრთნელისთვის." - განაცხადა შმეიხელმა.
"ძალიან სევდიანი და იმედგაცრუებული ვარ,რადგან ამ უდიდესმა მწვრთნელმა დაასრულა თავისი კარიერა 26 წლიანი მუშაობის შემდეგ.როდესაც ეს ამბავი გავიგე შოკში ვიყავი და ტირილი მინდოდა.იმით ვარ მოხარული,რომ ეს ადამიანი გუნდს არ ტოვებს ბოლომდე ის იქნება დირექტორი."