როგორც მოგეხსენებათ სულ ცოტა ხნის წინ დასრულდა მატჩი "იუნაიტედსა" და "ჩელსის" შორის, სადაც "ლურჯებმა" ეშმაკუნები მინიმალური ანგარიშით დაამარცხეს. მატჩის დაწყებამდე პრესამ, როგორც ყოველთვის მოიყვანა საინტერესო ფაქტები და ბევრი სხვა რამ. რა თქმა უნდა ძალიან ბევრი ისაუბრეს მთავარი მსაჯის შესახებ, მაგრამ ამ ყველაფრის მიუხედავად, აღსანიშნავია სერ ალექს ფერგიუსონისა და რაფაელ ბენიტეზის ერთგვარი "მტრობა", რომელიც დიდი ხნის წინ დაიწყო. საუბარი იყო იმის შესახებაც, რომ "იუნაიტედმა" ტიტულის მოპოვების შემდეგ მოტივაცია დაკარგა და ეს მართლაც ასე იყო. სერ ალექსმა მატჩში რამოდენიმე სათადარიგოთა სკამის ფეხბურთელს მისცა შანსი. გულშემატკივარმა იცოდა, რომ იმ შემთხვევაშიც კი თუ გუნდი წააგებდა მათ ვერაფერში გაამტყუნებდნენ, მაგრამ რა თქმა უნდა სტადიონზე ყველა ადგილი შეივსო და ყველა მატჩის დაწყებას ელოდა, და აი ისიც დაიწყო. საწყის წუთებში თანაბარი თამაში მიდიოდა, თუმცა შემდეგ "ჩელსიმ" შეძლო უპირატესობის მოპოვება და რამდენიმე სახიფატო მომენტიც შექმნა. ამავდროულად "იუნაიტედი" კონტრშეტევებით პასუხბოდა "ლურჯების" შეტევებს. პირველი ტაიმის მიწურულს კარგი შანსი ჰქონდა რობინ ვან პერსის, თუმცა მან ვერ გამოიყენა ის. ნეიტრალური გულშემატკივარისთვის ძალიან მოსაწყენად დასრულდა მატჩის პირველი ტაიმი. მეორე ტაიმშიც სიუჟეტი ამგვარად განვითარდა, თუმცა 87 წუთზე ხუან მატამ შეძლო გოლის გატანა. (ხაზგასასმელია ისიც, რომ ეს გოლი ჯონსს ავტოგოლად ჩაუთვალეს.) კიდევ ერთი საინტერესო რამ მოხდა მატჩის მიწურულს როდესაც რაფაელმა უხეშად ითამაშა ლუიზის წინააღმდეგ. უებმა რაფაელს წითელი ბარათი უჩვენა და მოედნიდან გააძევა, ხოლო დავიდ ლუიზის ჩაცინებული სახე ალბათ ყველა თქვენთაგანმა დაინახეთ და არ მსურს კომენტარი გავუკეთო ფეხბურთის შემარცხვენელ მომენტს. საბოლოოდ "იუნაიტედმა" ვერ შეძლო გოლის გატანა და "ჩელსიმ" ოლდ ტრაფორდიდან 3 ქულის წაღება შეძლო. "იუნაიტედს" არ ჰქონდა მოტივაცია და სწორედ ამის გამო წააგო ეს მატჩი. აი ამით იმართლებენ თავს "იუნაიტედის" გულშემატკივრები და რა თქმა უნდა ეს სიმართლეა, თუმცა ეს ყველაფერი სტემფორდ ბრიჯზე, რომ მომხდარიყო უდავოდ ვერანაირ არგუმენტს ვერ ვიპოვებდით "მანჩესტერის" გასამტყუნებლად, მაგრამ როდესაც თამაში შენს სტადიონზეა და 75 000-ზე მეტი გულშემატკივრის წინაშე ასე თამაშობ, სამაგალითო ნამვდვილად არ არის. მინდა გამოვარჩიო რაფაელ და სილვა, რომელიც ძალიან ჰგავს გარი ნევილს ხასიათიდაც და შესაძლოა თამაშის სტილითაც. მხოლოდ ის ბრძოლობდა ბოლომდე ყველა მომენტში და რა თქმა უნდა ეს დაუფასდება.
აქვე მინდა შევეხო კიდევ ერთ თემას, რომელიც მსაჯებს ეხება. როგორც დავინახეთ მსაჯთა ბრიგადაში ერთ-ერთი ქალი იყო. მე პირადად გამაკვირვა ასეთი დონის მატჩში "გამოუცდელი" ქალი მსაჯის დაყენებამ, თუმცა ყველამ დავინახეთ თუ როგორ იმსაჯა ამ ქალბატონმა. ლუიზის მომენტში შეიძლება კამათი, მაგრამ ის ვერ ხედავდა დავიდის სახეს და მისი დადანაშაულება არ შეიძლება. ეს ყველაფერი მეტყველებს იმაზე, რომ ინგლისის საფეხბურთო ფედერაციას ახალი კომპონენტები შეაქვს მსაჯობაში და ჩემი თვალთხედვიდან ამ პირველმა ექსპერიმენტმა ნამდვილად გაამართლა. იმედია მაგალითს აიღებენ სხვა მსაჯები ამ ქალიდან და ასეთივე მონდომებით იშრომებენ ფეხბურთის გასანვითარებლად.
ავტორი: Red Hooligan
სტატიები, ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.