ერთდროულად რამდენიმე ბრიტანული გამომცემლობა იუწყება იმის შესახებ, რომ სერ ალექს ფერგიუსონმა შესაძლოა გამოტოვოს მომდევნო სეზონის გარკვეული ნაწილი.შოტლანდიელი სპეციალისტი ოპერაციის გაკეთებას გეგმავს ბარძაყზე."იუნაიტედის" თავკაცი გუნდს არ გაყვება ზაფხულის ტურნეებზეც, რომლებიც ავსტრალიაში, ტაილანდში, იაპონიაში და ჰონგ-კონგში მოგზაურობას მოიცავს.ასევე, სერ ალექსი ვერ დაესწრება ინგლისის სუპერ თასის მატჩს.

ჯერ-ჯერობით არანაირი ინფორმაცია არ არსებობს იმის შესახებ, თუ როდის მოასწრებს ფერგიუსონი გუნდში დაბრუნებას, მაგრამ მოსალოდნელია, რომ ის მანჩესტერში უკვე სეზონის დასაწყისში დაბრუნდება.პრობლემები ფეხზე უკვე დიდი ხანია აწუხებს ლეგენდარულ შოტლანდიელ სპეციალისტს და ის ელოდებოდა ხელსაყრელ დროს ოპერაციის გასაკეთებლად.