ნემანია ვიდიჩი აღიარებს, რომ სასიამოვნოა როცა რამდენიმე თამაშით ადრე ქულების საჭიროება აღარ აქვთ, რადგან ისინი უკვე ჩემპიონები არიან. მაგრამ მცველის თქმით ამას გავლენა არ მოუხდენია ფეხბურთელებზე, მათ ისევ სწყურიათ გამარჯვება.

დაახლოებით ორი კვირის წინ, "ასტონ ვილას" დამარცხების შემდეგ "წითლებმა" ოთხი თამაშით ადრე გაინაღდეს ტიტული. მაგრამ ვიდიჩის მტკიცებით, ფეხბურთელებს სურთ დადებითი შედეგებით დაამთავრონ სეზონი.

"ყველაზე მნიშვნელოვანია რომ მოვიგოთ თამაშები და შევინარჩუნოთ გამარჯვების მენტალიტეტი" განუცხადა მან PA Sport-ს და BBC Radio-ს. "ზოგჯერ, როდესაც წნეხის გარეშე თამაშობ, კარგი თამაში გამოგდის და ეს გსიამოვნებს"

"ჩვენ საკმარისი მოტივაცია გვაქვს. ჩვენ ყოველთვის მოტივირებულები ვართ, როდესაც ოლდ ტრაფორდზე ვთამაშობთ. როდესაც ჩვენ სათამაშოდ გავდივართ გვწყურია მოგება და ეს არ შეიცვლება არც ჩელსისთან და არც სხვა რომელიმე გუნდთან. განსხვავება მხოლოდ ისაა, რომ ჩვენ დამშვიდებულები ვართ. ჩვენ შევეცდებით მოგებას, რადგან გვინდა, რომ ბოლო სამი თამაში მოვიგოთ. ჩვენ კარგ სტილში გვსურს სეზონის დასრულება."

2012/2013 სეზონი კარგი გამოდგა ვიდიჩისთვის, მან მოახერხა გამოჯანმრთელება რამდენიმე თვიანი ტრამვის შემდეგ.

"მწვრთნელი და სამედიცინო პერსონალი აღარ აჩქარდნენ ჩემი გამოჯანმრთელების შემდეგ. მე კარგად გავუმკლავდი ჩემს ტრამვას" დაამატა მან. "იმედია შემდეგ სეზონში ყველა თამაშისთვის ვიქნები მზად და ყველა შეხვედრის ჩატარებას მოვახერხებ. სწორედ ეს არის ჩემი მიზანი."

წყარო: ManUtd.com