ოქტომბერი "მანჩესტერ იუნაიტედმა" ძალიან კარგად ჩაატარა. გუნდმა შეძლო და გასვლაზე დაამარცხა "ნიუკასლი", პატრის ევრას, ჯონი ევანსისა და ტომ ქლევერლის გასაოცარი გოლის წყალობით. ამის შემდეგ იყო "სტოკ სიტი", სადაც "იუნაიტედმა" "ოლდ ტრაფორდზე" 4-2 მოიგო. გამარჯვებაში დიდი წვლილი შეიტანა უეინ რუნიმ, რომელმაც დუბლი შეასრულა. თვის ბოლოს კი ერთმანეთს "ჩელსი" და "მანჩესტერი" შეხვდნენ. თამაში ლონდონურმა კლუბმა წაიყვანა, თუმცა ჩიჩარიტომ მესამე გოლი გაიტანა და "ეშმაკებს" 2-3 გაამარჯვებინა.
გარდამტეხი მომენტი
ალბათ ყველას კარგად გახსოვთ მარკ კლატენბურგის გადაწყვეტილება "ჩელსსთან" მატჩში. მსაჯმა ლონდონურ გუნდს 2 ფეხბურთელი, ტორესი და რამირესი გაუძევა. სწორედ ამის წყალობით მოიპოვა "იუნაიტედმა" გამარჯვება.
საუკეთესო ფეხბურთელი
ოქტომბრის თვის საუკეთესო მოთამაშე ხავიერ ერნანდესი გახდა. როგორც უკვე ვთქვით სწორედ მან გაიტანა "ჩელსსთან" მატჩში გამარჯვების გოლი.