"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა განაცხადა, რომ პრემიერ ლიგის გამარჯვებულის მედალს დარენ ფლეტჩერი და ალექს ბიუტნერიც მიიღებდნენ, იმსდა მიუხედავად, რომ მათ მხოლოდ სამ-სამი მატჩი ჩაატარეს ინგლისის პრემიერ ლიგაში.
წესების თანახმად, მედალს ის მიიღებდა ვინც ხუთ მატჩს ან მეტს ჩაატარებდა ინგლისურ პრემიერ ლიგაში, ხოლო ადრე ეს ბარიერი ათ მატჩამდე იყო.
მაგრამ ფერგიუსონმა გამონაკლისი დაუშვა ორი ფეხბურთელისთვის. ეს ჯილდო გადაეცემა ალექს ბიუტნერს, რომელიც კლუბში პატრის ევრას შემცვლელეად მოიყვანეს და დარენ ფლეტჩერს, რომელიც ჯერ კიდევ ებრძვის თავის დაავადებას.
"ისინი მიიღებენ მედლებს, რადგან ახლა ამის გაკეთება შესაძლებელია. ჩვენ გარკვეული რაოდენობის მედალი მოგვცეს (40) და როგორც გვინდა ისე ვანაწილებთ მათ. ვფიქრობ დარენისთვის ეს მედალი სასარგებლო იქნება, რადგან მხოლოდ დაავადებამ შეუშალა მას ხელი თამაშში. ეს შესაძლებელია, ასე რომ მასაც ექნება მედალი."
"ბიუტნერი შესანიშნავი იყო, კლუბს ყოველ გასვლით მატჩზე დაყვებოდა და სამჯერ ითამაშა პრემიერ ლიგაში ამასთანავე ათჯერ სათადარიგოდან შემოვიდა მინდორზე. ვფიქრობ, რომ ჩვენს წარმატებაში მანაც შეიტანა თავისი წვლილი." - განაცხადა სერ ალექსმა "მანჩესტერ იუნაიტედის" ოფიციალურ საიტთან.
ასევე სერ ალექსმა გაამხილა, რომ გაამონაკლისს ანდრეს ლიდეგაარდისთვისაც დაუშვებდა. მეკარეებისთვის ბარიერი ათ მატჩიანია, მაგრამ დანიელმა მეკარემ მხოლოდ შვდი მატჩი ჩაატარა. საბოოლოოდ კი ისიც მიიღებს თავის მედდალს.