სერ ალექს ფერგიუსონი ფიქრობს, რომ "მანჩესტერ იუნაიტედი" ვალდებულია "პრემიერ ლიგის" სეზონის დარჩენილ ნაწილს სერიოზულად მიუდგეს და განაცხადა, რომ "ემირეითს სტადიუმზე" "არსენალის" წინააღმდეგ უძლიერეს შესაძლო შემადგენლობას გამოიყვანს.
"წითლებმა" გაინაღდეს ტიტული "ასტონ ვილას" 3-0 დამარცხების შემდეგ და ეს ბოსს საშუალებას აძლევს გადახალისებული შემადგენლობა გამოიყვანოს "მეთოფეების" წინააღმდეგ. მაგრამ, კარინგტონზე ყოველკვირეული კონფერენციის დროს სერ ალექსმა განაცხადა, რომ "იუნაიტედისგან" არანაირი დათმობა არ იქნება და ფიქრობს, რომ პატივი უნდა სცეს იმ გუნდებს, რომლებიც ჯერ კიდევ იბრძვიან ლიგაში ადგილის მოსაპოვებლად და ევროტურნირების საგზურებისათვის.
"ჩვენ გვყავს რამდენიმე ტრამვირებული ბოლო თამაშის შემდეგ, თუმცა არაფერი სერიოზული და ვფიქრობ რომ, კვირას უძლიერესი შემადგენლობით ვითამაშებთ" განუცხადა ბოსმა ჟურნალისტებს.
"როცა ლიგას იგებ, ყოველთვის არის საშიშროება, რომ იფიქრო 'ყველაფერი დამთავრდა და შეგვიძლია დავისვენოთ', მაგრამ მე ვფიქრობ ჩვენ გვაქვს ვალდებულება სხვა გუნდების მიმართ, რომლებიც ჯერ კიდევ იბრძვიან ჩემპიონთა ლიგის ადგილებისათვის."
"ასევე დაპირისპირება, რომელიც გვაქვს "არსენალთან" და "ჩელსისთან" ბოლო წლებში არ მოგვცემს დასვენების საშუალებას, ამიტომ ჩვენ ჩვენს თავს საუკეთესოდ წარმოვაჩენთ."