მანჩესტერ იუნაიტედის თავდამსხმელმა რობინ ვან პერსიმ ისაუბრა თავისი ემოციების შესახებ, რომელიც მას თავის კარიერაში პირველი ჩემპიონის ტიტულის შემდეგ დაეუფლა. მისი თქმით ასეთი რამ არასდროს განუცდია მას. 29 წლის ასაკში მან პირველად მოახერხა პროფესიონალური ტიტულის მოგება და სწორედ მანჩესტერ იუნაიტედში. მოგეხსენებათ ის მიმდინარე სეზონის დასაწყისში გადმოვიდა იუნაიტედში და ის გახდა მამოძრავებელი ძალა გუნდისა და ერთ-ერთი მთავარი შემოქმედი ამ დიდი წარმატების. მისი წყალობით იუნაიტედმა მეოცედ მოიგო ინგლისის პრემიე ლიგა. ორშაბათს გადატანილ მატჩში ასტოვ ვილასთან, ვან პერსიმ პირველსავე ტაიმში მოხერხა ჰეტრიკის შესრულება და გუნდს მოგება გაუნაღდა. სწორედ ამ გამარჯვებით იუნაიტედმა დააგროვა სასურველი ქულების რაოდენობა და დროზე ადრე მოიპოვა ჩემპონობა.

”არ არქვს მნიშვნელობა ვინ გაიტანს მაშინ როცა მატჩს მოვიგებთ. პირველივე წუთებიდან ყველამ ძალიან კარგად ითამაშა და სწრაფი გოლიც გავიტანეთ. ეს არის შესანიშნავი გამარჯვება ჩვენთვის. მე ძალიან ბედნიერი ვარ, თუმცა ცოტა არ იყოს უცნაურია. ძალიან დიდხანს მომიწია ლოდინი ჩემი პირველი ტიტულის მოგებამდე. ეს საოცარი შეგრძნებაა. იუნაიტედი არის ფანტასტიური კლუბი თავისი ფანტასტიური ფეხბურთელებით. ეს ყველას დამსახურებაა - ჩვენი, მწვრთნელების, ექიმების და საერთოდ მთელი პერსონალის. ეს ჩვენთვის მეოცე ტიტულია და ის დამსახურებულად მოვიგეთ. მეორე გოლი იყო ჩემს მიერ გატანილი ერთ-ერთი საუკეთესო. მე მხოლოდ სწორად უნდა შემერჩია დრო დასარტყმელად. შემდეგ მატჩი არსენალთან გვაქქვს და გთხოვთ მომცეთ ნება დავტკბე ამ წუთებით”

წყარო:Fapl.ru