სერ ალექს ფერგიუსონი იმედოვნებს, რომ რობინ ვან პერსი შესძლებს წარმატება მოუტანოს "მანჩესტერ იუნაიტედს" "ვესტ ჰემის" წინააღმდეგ "აპტონ პარკზე".

ჰოლანდილემა ამ სეზონში უკვე მოახერხა ამ სტადიონზე სათასო შეხვედრაში გოლის გატანა და ამ გოლით თავის გუნდს შეუნარჩუნა "FA თასზე" თამაშის უფლება.

ამ პერიოდში ვან პერსი შესანიშნავ ფორმაში იმყოფებოდა და ნამდილად არ განიცდიდა გოლების ნაკლებობას. ეს ბოლო წუთებზე გატანილი გოლი მისთვის გამოდგა მეცხრე გოლი ცხრა თამაშში. ეხლა კი 29 წლის ფეხბურთელი აღმოსავლეთ ლონდონში არც ისე კარგ ფორმაში მიემგზავრება, რადგან თებერვლის შემდეგ მან ერთადერთხელ მოახერხა გოლის გატანა.

მისი ბოლო გოლი წითლების მაისურით იყო "სტოკ სიტის" წინააღმდეგ, რომლითაც დაასრულა 11 მატჩიანი მშრალი სერია, თუ რობინის გოლის აღნიშვნით ვიმსჯელებთ, მან მოახერხა თავდაჯერებულობის დაბრუნება.

სერ ალექსს სჯერა, რომ დარჩენილ თამაშებში თავდამსხმელი მოახერხებს თავისი სიძლიერის დამტკიცებას.

"როცა თავდამსხმელი რამოდენიმე კვირა ვერ იტანს გოლს პრესიდან ჩნდება კითხვის ნიშნები, ისევე როგორც თავად ფეხბურთელისგან" - განუცხადა მან MUTV-ს.

"მე ვიცი როგორები არიან თავდამსხმელები: როცა ისინი იტანენ ფიქრობენ, რომ ისინი ყოველთვის მოახერხებენ გატანას და როცა ვერ იტანენ დარდობენ როდის მოვა შემდეგი გოლის დრო."

"ამიტომ რობინისთვის ეს შესანიშნავი გოლი იყო და ვიმდეოვნებ რომ, ის ამაზე არ გაჩერდება."

წყარო: ManUtd.com