სერ ალექს ფერგიუსონის თქმით "მანჩესტერ იუნაიტედის" გამარჯვება "სტოკთან" იყო გამოცდა ფეხბურთელებისათვის.
ამჟამად მიზანი იგივე შედეგის გამეორებაა ოთხშაბათს საღამოს "ვესტ ჰემთან" "აფთონ პარკზე"
"FA თასის" მეექვსე რაუნდის განმეორებით მატჩში "ჩელსითან" მარცხისა და "პრემიერ ლიგაში" "სიტისთან" მარცხის შემდეგ, "იუნაიტედს" სჭირდებოდა "ბრიტანია სტადიუმზე" გამარჯვება, იმისათვის რომ არ მიეცათ სხვაობის შემცირების საშუალება რობერტო მანჩინის შეგირდებისათვის.
მასპინძლებს, რომლებიც შესანიშნავ ფიზიკურ მდგომარეობაში იყვნენ, მხარს უმაგრებდნენ ხმაურიანი გულშემატკივრები, თუმცა "წითლებმა" შესძლეს ძალიან მნიშვნელოვანი სამი ქულის აღება.
"მე ყოველთვის ვამბობ, რომ ხასიათი გასახდელში არ რჩება და ვფიქრობ ეს სტოკთანაც ვნახეთ." განუცხადა სერ ალექს ფერგიუსონმა ManUtd.com-ს.
"ბრიტანია სტადიუმი არ არის სათამაშოდ ადვილი ადგილი, ასევე საქმეს გვირთულებდა ძლიერი ქარი, მაგრამ ჩვენ მაინც მოვახერხეთ ამ ბარიერის დაძლევა. ჩვენ არ ვართ ამ თამაშით უკმაყოფილო - ჩვენ ვახერხებდით ბურთის შენარჩუნებასა და გადაცემების გაკეთებას."
"ჩვენ ბევრი მომენტი არ შეგვიქმნია, ესე ხდება ბოლო 6 წელია, თუმცა ჩვენ ყოველთვის ვახერხებთ გამარჯვებას. გავიხსენოთ ტევეზისა და ჩიჩარიტოს ბოლო წუთებზე გატანილი გოლები."
"თამაში და ხასიათი რაც ფეხბურთელებმა დაგვანახეს იყო შესანიშნავი."
"იუნაიტედს" მხოლოდ 7 ქულა სჭირდება იმისათვის, რომ მოიგოს მეოცე ტიტული მაგრამ ფეხბურთელები კონცენტრირდებიან თითოეულ თამაშზე და შეეცდებიან 3 ქულა აიღონ მომავალ თამაშში სემ ალარდისის "ვესტ ჰემთან"