კვირას აღებული სამი ქულის შემდეგ სერ ალექს ფერგიუსონის შეგირდებს მხოლოდ შვიდი ქულის აღებაღა ჭირდებათ, რომ სანატრელ მეოცე ტიტულს დაეპატრონონ. უეინ რუნიმ და რობინ ვან პერსიმ განაცხადეს, რომ კლუბს შესწევს იმის ძალა, რომ ეს სეზონი წარმატებულად დაასრულოს:"ეს ჩვენი მთავარი მიზანია. "სტოკთან" მატჩის წინ მწვრთნელმა გვითხრა, რომ დარჩენილი მატჩები უნდა მოვიგოთ და მაქსიმალური ქულების რაოდენობაც ავიღოთ. ახლა კი ჩვენ ჩვენს დარჩენილ სამუშაოს კარგად უნდა გავუმკლავდეთ." - განაცხადა უეინ რუნიმ manutd.com-თან.
რობინ ვან პერსიმ განაცხადა:"ჩვენ ის კი არ გვსურს, რომ მხოლოდ იმდენი ქულა ავიღოთ რამდენიც ტიტულის მოპოვებას დაჭირდება, არამედ გვსურს ყველა დარჩენილი მატჩი მოვიგოთ, რასაც ჩვენ გავაკეთებთ, რადგან ეს ჩვენთვის ძალიან აუცილებელია."