ანდერს როზენკრანც ლინდეგორი (დ. 13 აპრილი, 1984) — დანიელი ფეხბურთელი, „მანჩესტერ იუნაიტედისა“ და დანიის ეროვნული ნაკრების მეკარე.

ლინდეგორი პრემიერ ლიგაში ოფიციალურად 2011 წლის 6 იანვარს დარეგისტრირდა და გუნდში 34 ნომრიანი მაისური მიიღო.

29 იანვარს შედგა ლინდეგორის დებიუტი „მანჩესტერში“, ინგლისის თასზე „საუთჰემპტონთან“ 2-1 მოგებულ შეხვედრაში. თავისი პირველი მატჩი „ოლდ ტრაფორდზე“ ანდერსმა 19 თებერვალს ითამაშა კვლავ ინგლისის თასზე, სადაც „იუნაიტედმა“ 1-0 დაამარცხა „კროული თაუნი“. მარტში მან მუხლზე გადაიტანა ქირურგიული ჩარევა, რის გამოც 5 კვირის განმავლობაში თამაში ვერ შეძლო.

2011-12 - 14 სექტემბერს ლინდეგორმა პირველად ითამაშა ჩემპიონთა ლიგაზე „ბენფიკას“ წინააღმდეგ. მატჩი 1-1 დასრულდა, ხოლო ლინდეგორმა არაერთ მომენტში იხსნა თავისი გუნდი გოლისგან. თუმცა, სერ ალექს ფერგიუსონმა თავისი არჩევანი არ შეცვალა და პრემიერ ლიგის მომდევნო შეხვედრაში „ჩელსის“ წინააღმდეგ კვლავ დავიდ დე ხეა ათამაშა. კითხვაზე, თუ რას იტყოდა ძირითად შემადგენლობაში მოხვედრაზე, ლინდეგორმა უპასუხა:
„რა პასუხს ელით ამ შეკითხვაზე? ათასჯერ მითქვამს, რომ აქ ცხვირის საჩიჩქნად არ მოვსულვარ.“