გარი ნევილმა აღიარა, რომ მას შემდეგ რაც საფეხბურთო კარიერა დაასრულა, მწვრთვნელობაზე უარი უკვე რამდენჯერმე თქვა.
"მანჩესტერ იუნაიტედის" ყოფილი მცველი ინგლისის ნაკრებში ჰოჯსონს ეხმარება, ხოლო Sky_ში საფეხბურთო ანალიტიკოსად მუშაობს. ბევრ ფეხბურთელს რომელიც სწრაფადვე გახდა მენეჯერი, სამწვრთვნელო კარიერა კარგად არ აეწყოთ. სწორედ ამიტომ გარი ნევილი მწვრთვნელობაზე უარს ამბობს. "ბოლო 18 თვეში ორჯერ-სამჯერ მომმართეს, რომ კლუბი ჩამებარებინა, თუმცა ყველა უარით გავისტუმრე. ვფიქრობ, რომ სწორი გადაწყვეტილება მივიღე".-განაცხადა გარიმ. "მე ვიცი ბევრი ადამიანი, რომელმაც სწრაფად მიიღო მწვრთვნელობის გადაწყვეტილება. თუმცა ისინი დღეს კლუბებში აღარ მუშაობენ".