გუშინ ღამით გაიმართა მანჩესტერული დერბი, სადაც "იუნაიტედმა" "სიტი" მიიღო საკუთარ სტადიონზე და დამარცხდა. ამაზე კი კომენტარი გააკეთა სერ ალექს ფერგიუსონმა...
"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა განაცხადა, რომ მისი კლუბი არც ისე ძალიან გაბრაზებულა "მანჩესტერ სიტისთან" მარცხის გამო.
"ოლდ ტრაფორდზე" გამარჯვების მოპოვების შემდეგ, "ქალაქელებმა" ქულათა სხვაობა 12-მდე შეამცირეს. ასეთი სოლიდური ქულათა სხვაობა "იუნაიტედს" ხელს აძლევს არ ინერვიულოს გუშინდელი მარცხის გამო.
"ეს იყო ძალიან დაძაბული მატჩი, ქვეყნის ორი საუკეთესო კლუბის შესრულებით. ჩვენ არ გაგვიმართლა და მატჩიც ვერ მოვიგეთ. ჩვენ ვიცოდით, რომ აგუეროს ფანტასტიკურად შეუძლია მომენტების გამოყენება, ამისდა მიუხედავად მაინც დიდი სივრცე შევუქმენით, რითაც არგენტინელმა ისარგებლა და გადამწყვეტი ბურთიც გაგვიტანა."
"თამაშით კმაყოფილი ვარ და ვფიქრობ, რომ ცუდად არ გვითამაშია. მე ბევრ პლიუსს ვხედავ და ჩემი გუნდიც კარგ ფორმაშია, ასე რომ სადარდებელი არაფერი მაქვს. საბოლოო ჯამში ეს მატჩი ცუდი არ იყო. არასდროს არ მიყვარდა დერბიში წაგება, მაგრამ ჩვენ ახლა კარგად ვართ." - განაცხადა სერ ალექსმა Manchester Evening News-თან.