„მანჩესტერ იუნაიტედის“ მცველი რიო ფერდინანდი როგორც პირად, ისე კლუბის მთავარ მიზნად პრემიერ ლიგის მოგებას ასახელებს და რეკორდებს მეორე ხარისხოვნად მიიჩნევს.
„მთავარი გამარჯვებაა. ყველაფერი, რაც მასთან ერთად ხდება კარგია, მაგრამ მოგება მაინც ყველაზე მნიშვნელოვანია.
თუ პრემიერ ლიგის ტიტულს დროზე ადრე გავინაღდებთ, შემდეგ უკვე ახალი მიზნების დასახვაც შეგვეძლება. პირადად ჩემთვის, მოგება პირველ ადგილზე დგას.
ეს წინა სეზონის გამო არ ხდება. ეს უბრალოდ კლუბის მენტალიტეტია, რომელიც მწვრთნელის მიერ იმართება და რომელიც მუდმივად გამარჯვებას და ყველა ჩემპიონატში ბოლომდე ბრძოლას გულისხმობს. ასე ხდება მას შემდეგ, რაც „იუნაიტედში“ ვარ. და ალბათ არც არასოდეს შეიცვლება.“
30 მატჩიდან 25-ის მოგებამ „იუნაიტედს“ რობერტო მანჩინის გუნდთან ქულათა სხვაობა 15-მდე გააზრდევინა. ფერდინანდისთვის, როგორც მცველისთვის ეს ადვილი არ ყოფილა, რადგან გუნდმა ამ წარმატებას გახსნილი და სანახაობრივი ფეხბურთით მიაღწია, თამაშის ასეთი სტილი კი დაცვითი ხაზისთვის დიდ საფრთხეს შეიცავს.
“ახლა ჩვენ უფრო მტკიცე გუნდი გვყავს. სეზონის დასაწყისში გახსნილ, სანახაობრივ ფეხბურთს ვთამაშობდით, რომელიც გულშემატკივრისთვის სასიამოვნო საყურებელი იყო, მაგრამ ასეთ დროს მცველად ყოფნისას, ჩემი მთავარი მიზანი დაცვის გამაგრებაა. ამის გაკეთება ადვილი არ იყო.
ამ პერიოდმა წარმატებით ჩაიარა და ახლა სწორედ ამით ვსარგებლობთ.“ - დაასრულა ფერდინანდმა.

წყარო: manutd.com