"მანჩესტერ იუნაიტედის" მთავარი მწვრთნელი სერ ალექს ფერგიუსონი გვამცნობს, რომ რაფაელი, რომელსაც პრობლემები ჰქონდა ჯანმრთელობასთან და რუნი რომელსაც საზარდულის ტრავმა ჰქონდა, შეუდგნენ კლუბის ფეხბურთელებთან ერთად ვარჯიშს.
შეგახსენებთ, რომ ამ ორმა ფეხბურთელმა გამოტოვა "იუნაიტედისთვის" ძალზედ მნიშვნელოვანი მატჩი "ჩელსის" წინააღმდეგ, სადაც "ეშმაკუნებმა" 1-0 წააგეს. ახლა ეს ორი ფეხბურთელი მხოლოდ მანჩესტერულ დერბიზეა კონცენტრირებული.
"უეინმა და რაფაელმა დღეს ვარჯიშებში მიიღეს მონაწილეობა და ვიმედოვნებს, რომ ისინი "სიტისთან" მატჩამდე ფორმას აღიდგენენ." - განაცხადა ფერგიუსონმა კლუბის ოფიციალურ საიტთან.
ასევე შოტლანდიელმა სპეციალისტმა ისაუბრა ცენტრალურ მცველებზე ჯონი ევანსზე და ნემანია ვიდიჩზე.
"ვიმედოვნებ, რომ ისინი ვარჯიშს ან პარასკევს ან კიდევ შაბათს განაახლებენ. ჩვენ კიდევ გვაქვს იმის დრო, რომ გუნდის ნახევარი ისევ ფეხზე დავაყენოთ." – დაასრულა ფერგიუსონმა