ჟურნალები უკვე საუბრობდნენ, რომ "ჩელსის" მეკარე პიტერ ჩეხი თავის სამუშაოს კარგად ვერ ასრულებდა. თუმცა გუშინდელ მატჩში გამოჩნდა, თუ რამხელა ძალაა ჩეხი "არისტოკრატებისთვის".

ჩეხმა გუშინ არარეალური ბურთი გამოაძვრინა, მას შემდეგ რაც მას ჩიჩარიტომ დაურტყა. დაუჯერებელი ის გახლავთ, რომ პიტერმა ეს ერთი ხელით შეძლო.

30 წლის მეკარე "სტემფორდ ბრიჯზე" 2004 წლიდან გამოდის. ამ დროის განმავლობაში მან 8 მენეჯერი გამოიცვალა, თუმცა სტაბილურად იდგა ძირითად შემადგენლობაში. "ჩელსის" კიდევ ერთი მაღალი დონის მეკარე კურტუა ჰყავს, რომელიც "ატლეტიკოში" არის განათხოვრებული. სავარაუდოდ მას ესპანეთში ყოფნა დიდხანს მოუწევს.

ნანი ერთ-ერთი ყველაზე დიდი იმედგაცრუებაა მთელს პრემიერ ლიგაში. მან თავისი არასტაბილურობით უკვე დაგვამახსოვრა თავი. კარგად ჩატარებულ მატჩს ყოველთვის მოჰყვება ცუდად თამაში, რაც მის ძირითადში ყოფნას გამორიცხავს.

გუშინდელ მატჩში პირველი 30 წუთი საცოდავად იყო "სტემფორდ ბრიჯზე". ამის შემდეგ ორი ფინტი შემოგვთავაზა, რასაც კარგი არაფერი მოჰყვა. მეორე ტაიმის დაწყებიდან 20 წუთში კი სერ ალექსმა იგი შეცვალა. სავარაუდოდ "მანჩესტერ იუანიტედი" პორტუგალიელს ამ ზაფხულს გაყიდის.

არანაირი კითხვები არ დარჩა იმის შესახებ თუ ვინ არის საუკეთესო თავდასხმელი "ჩელსის" შემადგენლობაში. გუშინდელ მატჩში საუცხოო თამაში აჩვენა დემბა ბამ. ხუან მატას პასის შემდეგ შეძლო და ბურთი "მანჩესტერ იუნაიტედის" კარის ბადეში მოათავსა.

"ნიუკასლში" სისეს მოსვლის შემდეგ დემბა ბა კარგ თამაშს ვეღარ აჩვენებდა, მიზეზი კი ის გახლდათ, რომ უკანა პლანზე გადაიწია. "ჩელსის" მთავარი დასაყრდენი პრემიერ ლიგაზე სავარაუდოდ დემბა ბა უნდა იყოს.