კრის სმოლინგმა „ჩელსისთან“ მატჩის შემდეგ განაცხადა, რომ მისმა გუნდმა კოცენტრაცია ახლა მომავალ კვირაში გასამართ „დერბიზე“ უნდა მოახდინოს და გულშემატკივარს იმედგაცრუება სასურველი შედეგის მიღწევით გაუქროს. “ამ იმედგაცურების გადასაწურავად რამდენიმე დღე დაგვჭირდება, რადგან წინ ბევრი მნიშვნელოვანი მატჩი გველის და ჩვენ მათ მოგებას ვაპირებთ. პირველ რიგში, კარგი შეხვედრა გველოდება მომავალ ორშაბათს. ჩვენ გვჭირდება დარწმუნება იმაში, რომ ამ ტიტულის მოგებისთვის ყველანი გაერთიანებულები ვართ. ჩვენი გულშემატკივრები ჩვენს უკან იქნებიან და აუცილებელია დავრწმუნდეთ, რომ მათ კარგ თამაშს ვუჩვენებთ და სასურველ შედეგს მივაღწევთ, რადგან დღევანდელი მეორე ტაიმი არც ისე კარგად ჩავატარეთ.“ სმოლინგმა დღევანდელ მატჩზე ისაუბრა და წაგების მიზეზად მეორე ტაიმში დაკარგული ფორმა დაასახელა. მან ფეხბურთელების იმედგაცრუებას ხაზი კიდევ ერთხელ გაუსვა და მოთამაშეებს ამ დღის დამახსოვრებისკენ მოუწოდა. “გასახდელში ყველა იმედგაცრუებული იყო. ვფიქრობ, პირველი ნახევარი კარგად ჩავატარეთ და მოწოდების სიმაღლეზეც ვიყავით, კარგი თამაში ვაჩვენეთ და სწორედ იმის გამო ვართ იმედგაცრუებულები, რომ ანალოგიურის გაკეთება მეორე ტაიმში ვეღარ მოვახერხეთ. იმედი გვქონდა, რომ გოლს გავიტანდით და პირველი ნახევრის ფორმას დავიბრუნებდით, მაგრამ მათ საპასუხოდ ბევრი მომენტი შეგვიქმნეს. ახლა საჭიროა ჩვენს შესაძლებლობებში დარწმუნება და ამ დღის სამომავლოდ დამახსოვრება, რომ ანალოგიური მომავალ სეზონშიც არ გავიმეოროთ.“ - განაცხადა სმოლინგმა MUTV-სთან საუბრისას.