სერ ალექს ფერგიუსონი „მანჩესტერ იუნაიტედის“ მთავარ მიზნად პრემიერ ლიგის მოგებას ასახელებს. შოტლანდიელ სპეციალისტს არ აინტერესებს ეს როგორ მოხდება, მთავარი მისთვის სატიტულო ბრძოლაში გამარჯვებაა.
“წითლები“ დღეს გასვლით შეხვედრაში „სანდერლენდს“ დაუპირისპირდებიან და გამარჯვების შემთხვევაში, მეორე ადგილოსან „თანაქალაქელებს“ 18 ქულით გაუსწრებენ. რობერტო მანჩინის გუნდი კი საღამოს „ნიუკასლს“ უმასპინძლებს და მეტოქის დამარცხების შემთხვევაში, ქულათა სხვაობა კვლავ 15-ს დაუბრუნდება.
ასევე, ფერგიუსონის გუნდს აქვს შანსი მორიგი რეკორდის დამყარებისა: დღეს თუ მათ „სანდერლენდი“ დაამარცხეს, „მანჩესტერ იუნაიტედი“ გახდება პირველი გუნდი, რომელმაც სეზონის პირველ 30 მატჩში 25 შეხვედრა მოიგო.

“პრემიერ ლიგის მოგება ჩვენთვის ყველაზე მნიშვნელოვანია. არ მაინტერესებს ეს როგორ მოხდება, მთავარია ჩემპიონატი მოვიგოთ.

ეს შეიძლება მოხდეს სეზონის ბოლო მატჩის ბოლო წამზე ვინმეს ზურგიდან გატანილი გოლით. საერთოდ არ მანაღვლებს როგორ მოვიგებთ.

“ლიგის მოგება მთავარი მიზანია. ამ წუთას, ამის გასაკეთებლად კარგი შანსი გვაქვს.“ - განაცხადა ფერგიუსონმა.

წყარო: manutd.com