ჩანდა, თითქოს იყო პატრის ევრა და ფაბიო; აღმოვაჩინეთ კიდევ ერთი ახალგაზრდა და პერსპეკტიული მცველი ეზიკიელ ფრაიერსის სახით, ამიტომ არანაირი საფუძველი არ გვქონდა იმისა, რომ გვენერვიულა დაცვის მარცხენა ფლანგზე. მაგრამ უმიზეზოდ არ მიდიოდა საუბარი იმის შესახებ, რომ გუნდი ბეინსის შეძენას ცდილობდა. თუმცა საბოლოოდ ბიუტნერი გავიფორმეთ.
პატრისისთვის ეს, ალბათ ერთ-ერთი წარუმატებელი სეზონი იყო. დიახ, მან ჩაატარა 47 მატჩი და სხვათაშორის იგი ერთადერთია გუნდში, რომელსაც ამხელა მაჩვენებელი აქვს ჩატარებული მატჩებისა. ამის მიუხედავად, ჩვენ არ გვტოვებდა ეჭვი იმის შესახებ, რომ მოედანზე იმყოფება სხვა ფრანგი და არა ის, რომელიც გასულ სეზონებში ამშვენებდა წითელ მაისურს. რა საკვირველია, იგი გუნდის საჭირო ფიგურა იყო და მისი შეჭრა მოწინააღმდეგე გუნდის საჯარიმოში შიშს ღვრიდა მათ, მაგრამ ევრა ვეღარ ასწრებდა დაცვაში დაბრუნებას. ამის გამო, ორმაგი სამუშაოს კეთება უწევდა ან ქერიქს, ან ვიდიჩს ან კიდევ ევანს, გოლები კი მარცხენა ფლანგიდან უფრო ხშირად გადიოდა. შესაძლოა მასზე იმოქმედა ეპიზოდმა სუარესთან, რადგან პრესამ ეს კონფლიკტი უზომოდ გააბუქა.
მაგრამ ვიდიჩის არყოფნისას, ზუსტად ევრას გამოყავდა გუნდი კაპიტნის სამკლაურით. ეს იმას მაჩვენებელია, თუ რაოდენ მნიშვნელობანია იგი გუნდისათვის. პატრისი ყოველთვის ყურადღების ცენტრშია, როგორც მოედანზე, ასევე მის გარეთაც.
ევრას შესაცვლელად ყოველთვის მზად იყო ფაბიო. თავიდანვე, როდესაც მანჩესტერში ტყუპები მოვიდნენ, საფეხბურთო ექსპერტები იუწყებოდნენ, რომ უფრო პრესპეკტიული ფაბიო იყო. იგი კარგად შემოდიოდა ცვილებიდან. ფაბიო ფლობს არაჩვეულებრივ და ბრაზილიელებისათვის დამახასიათებელ ტექნიკას. იგი თამაშობდა მარჯვენა ფლანგზეც, როდესაც ამას სიტუაცია მოითხოვდა. მაგრამ მას ყოველთვის რაღაც აკლდა იმისათვის, რომ გამხდარიყო ძირითადი შემადგენლობის ფეხბურთელი. პირადად ჩემთვის, არასასიამოვნო იყო იმის ყურება, თუ როგორ უყურებდა ტყუპისცალი მატჩს სათადარიგოდან. ამიტომ, მე მოხარული ვარ, რომ იგი "ქპრ-ში" გაუშვეს იჯარით.
2012-13 წლის სეზონის დაწყებამდე, იმის შემდეგ, რაც ფაბიო იჯარით წავიდა, ნათელი გახდა, რომ მარცხენა ფლანგზე საჭირო იყო ფეხბურთელი, რომელიც ღირსეულად შეცვლიდა ევრას. და ასე გაჩნდა ბიუტნერი. რა თქმა უნდა, იგი არ არის ბეინსი, მაგრამ არც ბიჭია, რომელიმე სოფლის გუნდიდან. ველოდებოდი მის გამოჩენას ინგლისის პრემიერლიგაში და დებიუტიც წარმატებული გამოდგა:არაჩვეულებრივი გოლი და საგოლე გადაცემა. მის შემდეგ გამოჩენას მოედანზე მოუთბენლად ელოდნენ, მაგრამ სამწუხაროდ ჰოლანდიელმა მოლოდინი ვერ გაამართლა. იგი მებრძოლი, მოხერხებული და მონდომებულია, მაგრამ აკლია ან დონე ან გამოცდილება. სამაგიეროდ, ეს სურათი სოციალურ ქსელებში ძალიან პოპულარულია. იმედი მაქვს, მოედანზეც ასეთი იქნაბა.
მე, როგორც მახსოვს, ბიუტნერის დებიუტის დროს, ხშირად აჩვენებდნენ ევრას ჩაფიქრებულ სახეს. მან ბევრი რამ ისწავლა იმ თამაშიდან. პატრისმა, თითქოს განაახლა თავისი შესაძლებლობები იმის შემდეგ, რაც მიხვდა, რომ მას ადგილი ძირითად შემადგენლობაში გარანტირებული არ აქვს. ახლა კი ჩვენ ვხედავთ იმ ევრას, რომელიც დაფრინავს თავის საყვარელ მარცხენა ფლანგზე. მას უკვე 4 გოლი აქვს და 6 საგოლე გადაცემა. საკმაოდ პატივსაცემია მცველისათვის. დარწმუნებით ვერ ვიტყვი, რომ იგი მოხვდება ლიგის სიმბოლურ გუნდში, რადგან მას საკმაოდ ღირსეული კონკურენტი ყავს ბეინსის სახით, რომელიც ასევე არაჩვეულებრივ სეზონს ატარებს. ერთი სიტყვით, მე მადლობას ვუხდი ბიუტნერს იმისათვის, რომ მან გააღვიძა ის ფრანგი პატრის ევრა, რომელიც წლების მანძილზე მოუსვენრად დაქროდა მარცხენა ფლანგზე. ახლა, იგი თავის მეორე ახალგაზრდობას განიცდის, რაც ყოველი გულშემატკივრისთვის სასიამოვნოა.
მომდევნო სეზონში, როდესაც გუნდში დაბრუნდება ფაბიო, კონკურენცია ადგილისათვის უფრო გაიზრდება. რა თქმა უნდა, ამ ბრძოლაში არის გამოკვეთილი ლიდერი, მაგრამ არავინ იცის რა მოხდება
სამაგიეროდ ვიცი, როგორ მუსიკას უსმენენ იუნაიტედის გულშემატკივრები ტრიბუნისქვეშ მდებარე "ტრიბუნებში". მადლობა ამისთვის ევრას!