ესპანელმა მეკარემ უარყო ჭორი, იმის თაობაზე თითქოს ''ბარსელონაში'' აპირებს გადასვლას და განაცხადა, რომ მას ''მანჩესტერ იუნაიტედში'' დიდ ხანს სურს დარჩენა.
''ვიცი, რომ ამ თემაზე ძალიან ბევრი რამ იწერებოდა, თუმცა ამ კლუბთან კონტრაქტი მაკავშირებს. რა თქმა უნდა, სასიამოვნოა იმის მოსმენა, როდესაც შენით ''ბარსელონა'' და მადრიდის ''რეალია'' დაინტერესებული, თუმცა ''მანჩესტერ იუნაიტედში'' დიდხანს ვაპირებ დარჩენას და შევეცდები რაც შეიძლება მეტი თასის მოგებას''.
დე ხეამ ასევე სერ ალექს ფერგიუსონის უნარები შეაფასა, რომელმაც კრიტიკის გამკვლავებაში დაეხმარა.
''სერ ალექს ფერგიუსონი მეტია, ვიდრე მენეჯერი. ის ჩვენთვის მამაა, რომელიც ყველაფერს აკონტროლებს. არ უნდა მივაქციოთ ყურადღება იმას, თუ როგორ გვაკრიტიკებს მედია, ამ ყველაფერს უნდა შევეჩვიოთ.
დე ხეამ ''რეალთან'' მატჩში ნანის გაძევებაზეც ისაუბრა.
''იმ დღეს სერ ალექს ფერგიუსონი ძალიან გაბრაზებული იყო. თუმცა დარწმუნეული ვარ, რომ გულის სიღრმეში ის თავისი გუნდით ამაყობდა. ჩვენ უკეთესად გამოვიყურებოდით, თუმცა მსაჯის შეცდომამ შემდეგ ეტაპზე გასვლაში ხელი შეგვიშალა''.