"მანჩესტერ იუნაიტედის" ყოფილმა ფორვარდმა დუაიტ იორკმა სერ ალექსის შეგირდებს წარსულის დავიწყება და წინსვლა ურჩია. "მწვრთნელმა იცის, თუ როგორ მდგომარეობაშია ახლა მისი გუნდი. ფეხბურთელები ჩემპიონთა ლიგიდან გამოვარდნის გამო ღელავენ, მაგრამ ეს წარსულს ჩაბარდა. დიახ, თქვენ უნდა აღიდგინოთ ძალები და მოიშუშოთ ჭრილობები რამდენიმე დღის განმავლობაში, თუმცა ამის შემდეგ ეს ყველაფერი უნდა დაივიწყოთ.
სერ ალექსმა შეკრიბა ბიჭები და უთხრა მათ, რომ პრემიერ-ლიგის მოგებაზე იყვნენ კონცენტრირებულნი. მაგრამ საქმე იმაშია, თუ როგორ მოვიგებთ ამ ჩემპიონატს.
არ გვსურს, რომ ასეთი უპირატესობა დავკარგოთ და მეორე ადგილამდე მხოლოდ 2-3 ქულა გვაშორებდეს." - ციტირებს იორკს manutd.com-ი.
"2000 წლის აპრილში ჩვენ გვქონდა 18 ქულიანი სხვაობა მეორე ადგილოსანთან. ჩვენ შეგვიძლია გავაუმჯობესოთ ეს მონაცემი. სერ ალექსმა ფეხბურთელებს რწმენა უნდა გაუძლიეროს.
კვირას ჩვენ ვერ მოვუგეთ "ჩელსის", თუმცა ჯერ ისევ ინგლისის თასზე ვართ. ჩვენ უნდა ვიყოთ დარწმუნებულნი იმაში, რომ "რედინგთან" მატჩში მოგებისთვის გუნდი ყველაფერს გააკეთებს.
ჩვენი კლუბის მაშტაბიდან გამომდინარე აუცილებელია გუნდში 4 ფორვარდის ყოფნა. წარმოიდგინეთ, რამდენი მატჩის ჩატარება მოუწევდა ჩვენს ერთადერთ თავდამსხმელს, თუ გავითვალისწინებთ "იუნაიტედის" კალენდარს. არცერთ ფეხბურთელს არ შეუძლია ყოველ კვირა თამაში.
ვფიქრობ, სერ ალექსისთვის კოშმარია შემადგენლობის დაყენება, რადგანაც მის განკარგულებაში ბევრი ბრწყინვალე ფეხბურთელია." - განაცხადა იორკმა.