დღეს, 6 სექტემბერს, "მანჩესტერ იუნაიტედის" გულშემატკივრების ყურადღება "ჰილ დიკინსონ" სტადიონისკენ იქნება მიმართული - პრემიერ ლიგის მე-3 ტურში "ევერტონი" საკუთარ მოედანზე "მანჩესტერ იუნაიტედს" უმასპინძლებს.

"წითელი ეშმაკები" შეხვედრას კარგი განწყობით ხვდებიან. "ჰალ სიტისთან" მარცხის შემდეგ გუნდმა შინ "იფსვიჩს" 5:2 სძლია და მნიშვნელოვანი სამი ქულა მოიპოვა.

იმ შეხვედრაში განსაკუთრებული იყო ბრუნო ფერნანდეში, რომელმაც ჰეთ-თრიკი შეასრულა. ახლა კი მაიკლ კერიკის გუნდს კიდევ ერთი რთული გამოცდა ელოდება. "ევერტონი" სეზონის დასაწყისში დაუმარცხებელია და საკუთარ მოედანზე საკმაოდ სახიფათო მეტოქეა.

შესაბამისად, "იუნაიტედს" გამარჯვებისთვის მაქსიმალური კონცენტრაცია დასჭირდება. დღევანდელი მატჩი განსაკუთრებით საინტერესო იქნება იმ ფონზე, რომ ორივე გუნდს საკუთარი მიზნები აქვს - "ევერტონს" კარგი სტარტის გაგრძელება სურს, ხოლო "იუნაიტედს" გასვლაზე პირველი გამარჯვებისა და ზედიზედ მეორე წარმატების მოპოვება.