"მანჩესტერ იუნაიტედის" ნიდერლანდელი თავდამსხმელი ჯოშუა ზირკზე მიმდინარე სეზონის ზაფხულის სატრანსფერო ფანჯრის პერიოდში კლუბს არ დატოვებს.

ზირკზეს დამატებით დაინტერესებული იყო ინგლისის პრემიერ ლიგის კლუბი "ევერტონი", თუმცა "წითელმა ეშმაკებმა" "მერსისაიდულ" კლუბს უარი მალევე განუცხადეს.

ცნობილი ინსაიდერის, ფაბრიციო რომანოს ინფორმაციით, "მანჩესტერის" ხელმძღვანელობამ ფეხბურთელის გარემოცვას აცნობა, რომ კლუბმა ზირკზეს გუნდში დატოვების გადაწყვეტილება მიიღო.

შესაბამისად, თავდამსხმელს სატრანსფერო ფანჯრის ბოლო დღესაც არ მისცემენ კლუბის დატოვების უფლებას. ზირკზეს მიმართ ინტერესს იტალიური კლუბებიც იჩენდნენ.

ნიდერლანდელი ფეხბურთელის დამატება "ნაპოლის", "იუვენტუსსა" და "ფიორენტინასაც" სურდათ. 25 წლის თავდამსხმელს ინგლისურ გრანდთან მოქმედი კონტრაქტი 2029 წლის ზაფხულამდე აკავშირებს.

Transfermarkt-ის შეფასებით კი მისი ამჟამინდელი საბაზრო ღირებულება 20 მილიონ ევროს შეადგენს.
ამრიგად, ზირკზე ახალ სეზონს "მანჩესტერ იუნაიტედის" შემადგენლობაში გააგრძელებს და კლუბი მის გაშვებას ამ სატრანსფერო ფანჯრის ბოლო მომენტშიც არ გეგმავს.