"მანჩესტერ იუნაიტედის" მთავარმა მწვრთნელმა, მაიკლ კარიკმა, გუნდის თამაშის სტილსა და სანახაობრივი ფეხბურთის მნიშვნელობაზე ისაუბრა.

"წითელმა ეშმაკებმა" გასული სეზონის მეორე ნახევარი ინგლისელი სპეციალისტის ხელმძღვანელობით წარმატებით ჩაატარეს, რის შემდეგაც კლუბის ხელმძღვანელობამ მასთან კონტრაქტი გაახანგრძლივა.
​
"გამარჯვება ყოველთვის მნიშვნელოვანია - რა თქმა უნდა, ეს ფეხბურთის მთავარი შემადგენელი ნაწილია. თუმცა, ამასთან ერთად, ჩვენ გვსურს ვითამაშოთ სანახაობრივად, გავიტანოთ გოლები და ჩავატაროთ შთამბეჭდავი მატჩები.

ეს არის ის, რაც გულშემატკივრებს უყვართ და სწორედ ამის გამო შემიყვარდა თავის დროზე ეს კლუბი", - ციტირებს კარიკის სიტყვებს გამოცემა centredevils.
​
შეგახსენებთ, რომ "მანჩესტერ იუნაიტედმა" პრემიერ ლიგის გასული გათამაშება მესამე ადგილზე დაასრულა. მომავალ სეზონში "ოლდ ტრაფორდელები" ჩემპიონთა ლიგაზე იასპარეზებენ.