ჟურნალისტ ბენ ჯეიკობსის მიერ გაჟღერებული უახლესი ინფორმაციით, პორტუგალიელი ნახევარმცველი და გუნდის ხერხემალი ბრუნო ფერნანდეში 100%-ით გააგრძელებს თამაშს "მანჩესტერ იუნაიტედისთვის" მომდევნო სეზონშიც.

წყაროს ცნობით, ფერნანდეშმა როგორც თანაგუნდელებს, ისე საკუთარ ახლო გარემოცვას მკაფიოდ აცნობა, რომ მისი სურვილია დარჩეს "ოლდ ტრაფორდზე" და კარიერა "წითელ ეშმაკებში" გააგრძელოს.

"მაგნიფიკო" ინგლისურ გიგანტს 2020 წელს შეუერთდა, როდესაც კლუბმა ის პორტუგალიური "სპორტინგი"- დან 65 მილიონი ევროს სანაცვლოდ დაიმატა. მისი ამჟამინდელი კონტრაქტი 2027 წლის 30 ივნისამდე მოქმედებს.

2025/26 წლების სეზონში პორტუგალიელმა ნახევარმცველმა ყველა ტურნირზე ერთადაღებული 37 მატჩი ჩაატარა, 9 გოლი გაიტანა და 22 საგოლე გადაცემაც შეასრულა.

საგოლე გადაცემების მაჩვენებლით ის გახდა ინგლისის პრემიერ ლიგის ისტორიაში ერთადერთი რეკორდსმენი ფეხბურთელი ვინც ერთ სეზონში აღნიშნული მაჩვენებელი დააფიქსირა.

სატრანსფერო პორტალი "ტრანსფერმარკეტი" ფერნანდეშის საბაზრო ღირებულებას ამჟამად 35 მილიონ ევროდ აფასებს.