"მანჩესტერ იუნაიტედი" მზადაა დააკმაყოფილოს "ნიუკასლის" ფინანსური მოთხოვნები ნახევარმცველ სანდრო ტონალის ტრანსფერთან დაკავშირებით, იტყობინება teamTALK - რამდენიმე ბრიტანულ და იტალიურ მედიასაშუალებაზე დაყრდნობით.

"კაჭკაჭები" ფეხბურთელს დაახლოებით 100 მილიონ ფუნტ სტერლინგად (116 მილიონი ევრო) აფასებენ, შესაბამისი შეთავაზების შემთხვევაში, მისი გაყიდვა აუციებლად მოხდება.

"წითელი ეშმაკები" 25 წლის იტალიელს ამ ზაფხულს ნახევარდაცვის ძირითად გამაძლიერებლად მიიჩნევენ. მატეუს ფერნანდეში და კიდევ რამდენიმე კანდიდატი კვლავ სიაში არიან, თუმცა ტონალი სასურველ ვარიანტად ითვლება.

გასულ სეზონში ფეხბურთელმა, რომელიც ძირითადად დაცვითი ნახევარმცველის პოზიციაზე თამაშობს, 53 მატჩი ჩაატარა, სამი გოლი გაიტანა, შვიდი საგოლე გადაცემა გააკეთა.