იტალიური "მილანის“ გარემარბი და თავდამსხმელი რაფაელ ლეაუ შესაძლოა მომავალი სეზონიდან გულშემატკივარმა სხვა კლუბის მაისურით იხილოს არენაზე.

"როსონერი" პორტუგალიელთან კონტრაქტის გახანგრძლივებას ამჯობინებენ, თუმცა მისი გაყიდვის შესაძლებლობასაც განიხილავენ დაახლოებით 50 მილიონი ევროს სანაცვლოდ.

როგორც TEAMtalk იუწყება, შუამავლებმა უკვე დაიწყეს ლეაუსთვის შესაძლო ვარიანტების შესწავლა. განსაკუთრებული ყურადღება ინგლისის კლუბებზეა მიმართული.

კონტაქტები არსებობს "მანჩესტერ იუნაიტედთან", "არსენალთან", "ჩელსისა" და "ლივერპულთან". ასევე 26 წლის ლეაუს სიტუაციაზე ინფორმირებულები არიან "პსჟ" და "ბაიერნი".

ცნობისთვის, პორტუგალიელის მოქმედი კონტრაქტი იტალიურ გრანდთან 2028 წლის ზაფხულამდეა გათვლილი.