ფრანგული "პარი სენ-ჟერმენი"- ის თავდამსხმელმა გონსალო რამოშმა შესაძლოა კარიერა ინგლისის ჩემპიონატში გააგრძელოს.

სპორტული ჟურნალისტის ეკრემ კონურის მიერ გავრცელებული ინფორმაციით, პორტუგალიელი ფეხბურთელის შეძენით "მანჩესტერ იუნაიტედი" ინტერესდება.

"წითელი ეშმაკები" უკვე დაუკავშირდნენ ფორვარდის წარმომადგენლებს. ფეხბურთელი მზად არის კარიერის ახალი ეტაპისათვის დატოვოს პარიზული კლუბი, რათა ასევე მეტი სათამაშო პრაქტიკა მიიღოს.

რამოში პორტუგალიური "ბენფიკა" - დან "პარი სენ-ჟერმენ" - ში 2024 წელს 65 მილიონ ევროს სანაცვლოდ გადაბარგდა. მისი კონტრაქტი ფრანგებთან ძალაშია 2028 წლის 30 ივნისამდე.

მიმდინარე სეზონში პორტუგალიელმა პარიზული კლუბის მაისურით ყველა ტურნირზე 38 მატჩი ჩაატარა, სადაც 11 გოლი გაიტანა და 2 საგოლე გადაცემა გააკეთა.