"მანჩესტერ იუნაიტედის" მთავარი მწვრთნელი მაიკლ კერიკი ინგლისის პრემიერ ლიგის იანვრის თვის საუკეთესო მწვრთნელად დასახელდა.

აღნიშნულის შესახებ ინფორმაციას English Premier League-ის პრეს-სამსახური ავრცელებს. შეგახსენებთ, რომ კერიკმა "მანჩესტერ იუნაიტედი" 13 იანვარს ჩაიბარა.

თვის ბოლომდე "წითელმა ეშმაკებმა" მხოლოდ ორი მატჩი ჩაატარეს, თუმცა ორივეში შესანიშნავი შედეგი აჩვენეს. "მანჩესტერელებმა" ჯერ შინ 2:0 დაამარცხეს გვარდიოლას "სიტი", ხოლო შემდეგ კი სტუმრად 3:2 სძლიეს ჩემპიონობისთვის მებრძოლ "არსენალს".

ამ დროისთვის "იუნაიტედი" ინგლისის ჩემპიონატის სატურნირო ცხრილში მეოთხე ადგილზე იმყოფება. კერიკის გუნდი მომდევნო შეხვედრას 23 თებერვალს "ევერტონის" წინააღმდეგ სტუმრად გამართავს.