მცველი ჰარი მაგუაირი, დიდი ალბათობით, "მანჩესტერ იუნაიტედში" დარჩება.

Daily Mail-ის ჟურნალისტის, კრის უილერის მიერ გავრცელებული ინფორმაციით, "წითელი ეშმაკები" ფეხბურთელთან ახალი კონტრაქტის გაფორმებას გეგმავენ.

კლუბის ხელმძღვანელობა კმაყოფილია იმით, თუ როგორ წარმოაჩინა თავი მცველმა მაიკლ კერიკის ხელმძღვანელობით.

"მანჩესტერ იუნაიტედის" ბოსები იმედოვნებენ, რომ მაგუაირთან შეთანხმებას როგორც ხელფასის, ისე კონტრაქტის ვადის საკითხზე მიაღწევენ.

ამჟამინდელი კონტრაქტი 30 წლის უკანახაზელს კლუბთან 2026 წლის 30 ივნისამდე აკავშირებს. მისი ანაზღაურება კვირაში 180 ათას ფუნტ სტერლინგს შეადგენს.